کیا حج فرض ہونے کےبعد مالی حالت خراب ہونے کےبعد فرضیت ساقط ہوجاتی ہے؟

استفتاء

السلام علیکم ورحمۃ اللہ وبرکاتہ

زید پر حج کے ایام میں حج فرض ہوا لیکن اس نے اس وقت حج نہیں کیا اور تقریبا دس سال کے بعد اسے اس کا احساس ہو گیا کہ اس نے حج فرض ادا نہیں کیا ہے دس سال پہلے حج آنے جانے کا خرچ تقریبا ایک لاکھ تھا اور اب دس سال کے بعد حج آنے جانے کا خرچ دو لاکھ ہے۔اور اس کے پاس دو لاکھ روپے نہیں ہیں تو کیا اب بھی اس پر وہی فریضہ باقی ہے ؟اگر ہے تو کس طرح ادا کرے قرض لے کر یا کوئی اور طریقہ اختیار کرے؟

الجواب :بسم اللہ حامداًومصلیاً

حج ایک دفعہ فرض ہونے کے بعد مالی حیثیت کے بدلنے سے ختم نہیں ہوتا بلکہ عمر بھر بدستور ذمے میں رہتا ہے ۔اپنی زندگی میں کوشش کریں اگر قرض مل سکتا ہے اور اتارنے کی امید ہے قرض لے کربھی حج کرسکتے ہیں۔اگر زندگی میں کسی طرح نہ ہوسکے تو ورثاء کو وصیت کریں۔