کیا تنہائی کے گناہوں کا سبب ریا کاری ہے؟

استفتاء

1. اگر کوئی تنہائی کے گناہوں میں مبتلا ہو مگر بہت نیکی کے کام بھی کرتا ہو ،جانی بھی مالی بھی، تو کیا ایسا شخص کنفرم ریاکار ہی ہوگا؟
2. اللہ تعالی مجھ سے بہت سے نیک کام خفیہ کرا تے ہیں ،پھر ایسے کاموں میں ریاکاری کا شائبہ نہیں ۔انشاء اللہ ،پھر بھی تنہائی کے گناہ سرزد ہو ں تو ممکنہ وجوہات کیا ہو سکتی ہیں؟جب کہ میرے نزدیک ایک وجہ ریاکاری ہے جس کاعنصر یہاں موجود نہیں ہے۔

الجواب :بسم اللہ حامداًومصلیاً

1۔ ضروری نہیں کہ یہ شخص ریاکار ہی ہو۔

2۔اول تو تنہائی میں گناہ سرزد ہونے کی وجوہات دیگر نیک اعمال میں ریاکاری کے علاوہ اور بھی ہوسکتی ہیں اور دوسرے خود یہ فیصلہ کر لینا درست نہیں کہ میرے نیک اعمال میں ریاکاری کا عنصر موجود نہیں۔آدمی کو تو اپنے نیک اعمال میں ریاکاری کا ڈر لگے رہنا چاہیے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم