“لا تزال طائفة من أمتي”حدیث ‌ کی تحقیق

استفتاء

آپﷺ نے فرمایا:

“میری امت کا ایک گروہ قیامت تک دین پر ثابت قدم  اور دشمن پر غالب رہے گا، ان سے اختلاف کرنے والے ان کا کچھ نہ بگاڑ سکیں گے، سوائے اس کے کہ انہیں کچھ معاشی تنگدستی کا سامنا کرنا پڑے، یہاں تک کہ اللہ تعالیٰ کا حکم آجائے گا اوروہ اسی حالت پر ہوں گے۔  صحابہؓ نے کہا: اے اللہ کے رسولﷺ! وہ کہاں ہوں گے؟ آپﷺ  نے فرمایا: وہ بیت المقدس اور اس کے گرد و نواح میں ہوں گے۔ “مسنداحمد (صحیح ) حدیث  نمبر:124944

سوال یہ ہے کہ کیا یہ حدیث صحیح ہے؟

الجواب :بسم اللہ حامداًومصلیاً

مذکورہ حدیث   مسند احمد (رقم الحدیث22320)  المعجم الکبیر للطبرانی (754) مسند ابی یعلی(رقم الحدیث 6417)موجود   ہے۔چونکہ   مذکور ہ حدیث  کی سند میں ہمیں کوئی کلام نہیں ملا۔ لہٰذا یہ روایت سندًا  صحیح ہے۔ روایت کے الفاظ  یہ ہیں :

مسند  احمد (رقم الحدیث 22320)میں ہے:

عن عمرو بن عبد الله الحضرمي عن أبي أمامة قال: قال رسول الله صلى الله عليه وسلم: ” لا تزال طائفة من أمتي على الدين ظاهرين لعدوهم قاهرين لا يضرهم من خالفهم إلا ‌ما ‌أصابهم ‌من ‌لأواء حتى يأتيهم أمر الله وهم كذلك “. قالوا: يا رسول الله وأين هم؟ قال: ” ببيت المقدس وأكناف بيت المقدس “

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم