:لنگڑے جانور کی قربانی کاحکم

استفتاء

السلام علیکم ورحمۃ اللہ وبرکاتہ

قربانی کے جانور کی ٹانگ ٹوٹ گئی اس پرپٹی باندھ دی پھر وہ ہلکا ہلکا زمین پر ٹانگ لگا کرچلنے لگا کیا اس کی قربانی ہو گی؟

الجواب :بسم اللہ حامداًومصلیاً

لنگڑے جانور کی قربانی جائز ہونے کے لیے صرف اتنا کافی نہیں کہ وہ لنگڑا پائوں زمین پر رکھتا ہو بلکہ یہ بھی ضروری ہے کہ وہ لنگڑے پائوں سے چلنے میں مدد بھی لیتا ہو اگر چہ لنگڑا کر چلتا ہو جیسا کہ بعض لنگڑے آدمی لنگڑے پائوں پر پورا سہارا لے کر چلتے ہیں اگر چہ لنگڑا کرچلتے ہیں ۔ لہذامذکورہ صورت میں یہ جانور پائوں زمین پررکھ کر چلنے میں اگراس سے سہارا بھی لیتا ہے تو اس کی قربانی درست ہو گی ورنہ درست نہ ہو گی۔چنانچہ شامی(392/9) میں ہے:

والعرجاء التی تمشی الی المنسک ای المذبح ۔والعرجاء التی لایمکنها المشی برجلها العرجاء انما تمشی بثلاث قوائم حتی لو کانت تضع الرابعة علی الارض وتستعین بها جاز  ۔