مسجد نبوی میں اعتکاف کے دوران روضہ پر حاضری دینا

استفتاء

کل شام میں مسجد نبوی کے ممبر سے بات کی جارہی تھی کہ  آپ اعتکاف کی میں سلام پیش کرنے نہیں جاسکتے ۔پلیز رہنمائی فرمائیں اور اعتکاف والوں کے لیے مسجد کی حدود کہاں تک ہیں ؟کیا مسجد نبوی کی لائبریری اور واش اور باہر کا صحن حدود میں داخل ہیں ؟ نہایت ادب سے گذارش ہے تمام مفتیان سے ۔

الجواب :بسم اللہ حامداًومصلیاً

شرعی اعتبار سے مسجد صرف اس احاطے کا نام ہے جو نماز پڑھنے کے لیے مقرر کیا گیا ہو جس کا علم اس مسجد کی انتظامیہ سے ہو سکتا ہے ۔لہذا مسجد نبویﷺ کی شرعی حدود کے بارے میں وہاں کی انتظامیہ سے معلوم کیا جائے ۔اعتکاف کی حالت میں روضہ اقدس پر سلام پیش کرنے کے لیے اگر مسجد نبوی ﷺ کی شرعی حدود سے نکلنا پڑے تو اس سے اعتکاف ٹوٹ جائے گااور اگر شرعی حدود کے اندر رہتے ہوئے سلام پیش کیاجاسکتا ہو تو پھر اعتکاف پر کچھ اثر نہیں پڑے گا۔