موت سے فطرتا گھبراہٹ ہوتی ہے ‘‘تو یہ دعا پڑھے ….کی تحقیق

استفتاء

حضرت ابن عباس رضی اللہ عنہ سے روایت ہے کہ رسول اللہ ﷺ نے فرمایا : کہ موت سے فطرتاً گھبراہٹ ہوتی ہے بس جب تم میں سے کسی کو اپنے مسلمان بھائی کی فوتگی کی اطلاع ہو تو وہ یہ دعا پڑھے

”انا لله وانا اليه راجعون وانا الى ربنا لمنقلبون اللهم اكتبه عندك في المحسنين واجعل كتابه في عليين واخلفه في اهله في الغابرين ولا تحرمنا اجره ولا تفتنا بعده“

براہ کرم اس حدیث کی صحت کے بارے میں رہنمائی کردیں ۔اور اگر ممکن ہوتو حدیث نمبر بتا دیں۔

الجواب :بسم اللہ حامداًومصلیاً

یہ حدیث ’’عمل الیوم واللیلۃ لابن السنی‘‘(صفحہ264رقم الحدیث:561) میں موجود ہے ۔اور قیس بن الربیع کی وجہ سے ضعیف ہے۔چونکہ یہ حدیث فضائل سے متعلق ہے اور فضائل میں ضعیف حدیث پر عمل کرنا درست ہے ۔لہذا اس دعا کو پڑھنا درست ہے