- فتوی نمبر: 13-263
- تاریخ: 01 مارچ 2019
- عنوانات: حدیثی فتاوی جات > منتقل شدہ فی حدیث
استفتاء
سنا ہے کہ احادیث پاک میں مونچھیں بڑھانے کے بارے میں بہت وعیدیں آئی ہیں ۔ اس بارے میں چند مستند ارشادات نبوی ﷺ حوالہ کے ساتھ بیان فرما دیجیے۔ نہایت مہربانی ہو گی ۔
الجواب :بسم اللہ حامداًومصلیاً
نسائی شریف میں ہے:
عن زيد بن ارقم رضي الله عنه قال قال رسول الله صلى الله عليه وسلم من لم ياخذ شاربه فليس منا ……….رقم الحديث 13
ترجمہ : حضرت زید بن ارقم رضی اللہ عنہ فرماتے ہیں رسول اللہ ﷺ نے فرمایا جو شخص مونچھیں نہ کاٹے وہ ہم میں سے نہیں ۔
مسند احمد میں ہے:
عن رجل من بني غفار ان رسول الله صلى الله عليه وسلم قال من لم يحلق عانته ويقلم اظفاره ويجز شاربه فليس منا ….. رقم الحديث 23480
ترجمہ : قبیلہ بنو غفار کے ایک آدمی سے روایت ہے کہ رسول اللہ ﷺ نے فرمایا جو شخص اپنے زیر ناف بال نہ کاٹے اور نہ اپنے ناخن کاٹے اور نہ اپنی مونچھیں کاٹے وہ ہم میں سے نہیں۔
© Copyright 2024, All Rights Reserved