مسافر امام چار رکعتیں پڑھادے تو مقیم مقتدیوں کی نماز کاحکم

استفتاء

السلام علیکم و رحمۃ اللہ و برکاتہ

اگر مسافر آدمی بھول کر پوری نماز پڑھا دے اور پیچھے مقتدی کچھ مقیم ہوں اور کچھ مسافر اور عشاء کی نماز ہو۔ اور یہ وتروں کے بارے میں بھی بتا دیں کیونکہ وتر بھی پڑھائی ہے۔

الجواب :بسم اللہ حامداًومصلیاً

اگر مسافر آدمی بھول کر عشاء کی نماز یا چار رکعت والی کوئی بھی نماز پوری پڑھا دے اور پیچھے مقیم مقتدی بھی ہوں تو ایسی صورت میں مقیم مقتدیوں کی نماز نہ ہو گی لیکن خود پڑھانے والے کی اور مسافر مقتدیوں کی ہو جائے گی۔ البتہ وتر سب کے ہو جائیں گے، وتر اور عشاء کی نماز میں اگرچہ ترتیب واجب ہے تاہم سہو یا نسیان کی وجہ سے یہ ترتیب ساقط ہو جاتی ہے