موذی جانور کی وجہ سے قبلے رخ سے ہٹ کر نمازپڑھنا

استفتاء

السلام علیکم ورحمۃ اللہ وبرکاتہ

اس مسئلہ کی وضاحت کردیں کسی سےسنا ہے کہ اگر کسی طرف سے موذی جانور جیسے سانپ وغیرہ کے آنے کا خطرہ ہو(گھر ہو یا صحرا)تو نماز قبلہ سے ہٹ کراس طرف منہ کرکے پڑھ سکتے ہیں۔اس کی کیا حقیقت ہے؟

الجواب :بسم اللہ حامداًومصلیاً

اگر کسی دشمن کا خوف ہوخواہ وہ دشمن انسان ہو یا کوئی درندہ جانور یا کوئی اژدھا وغیرہ تو ایسی صورت میں قبلہ سے ہٹ کر اس طرف منہ کرکے نماز پڑھ سکتے ہیں۔

فی مراقی الفلاح:554

باب صلاۃ الخوف ای صلاته بالصفة الاتیة (جائزة بحضورعدو)لوجود المبیح وان لم یشتد الخوف(وبخوف غرق )من سیل

فی حاشیته:اشاربه الی انه لافرق بینه ای الآدمی وغیره کسبع وحیة عظیمة ولافرق بینمااذا کان العدو بازاء القبلة اولا