نمازی کے سامنے سے گزرنے پر وعید

استفتاء

نمازی کے سامنے سے لوگ گزرتے ہیں ان کے بارے میں کوئی حدیث بتادیں تاکہ میں ان کی اصلاح کرسکوں۔

الجواب :بسم اللہ حامداًومصلیاً

نمازی کے سامنے سےگزرنابہت بڑا گناہ ہے اس کو معمولی سمجھ کر بے احتیاطی نہیں کرنی چاہئیے۔
بخاری شریف(73/1) میں ہے:
عن بسر بن سعید أن زید بن خالد أرسله الی أبی جهيم یسأله ماذا سمع من رسول الله صلی الله عليه وسلم فی المار بین یدی المصلی فقال أبو جهیم قال رسول الله صلی الله عليه وسلم لو یعلم المار بین یدی المصلی ماذا عليه لکان أن یقف أربعین خیرا له من أن یمر بین یديه.قال أبو النضر لا أدری أقال أربعین یوما أو شهرا أو سنة.ترجمہ :حضرت بسربن سعید سے روایت ہے کہ حضرت زیدبن خالد رضی اللہ عنہ نے انہیں حضرت ابوجہیم رضی اللہ عنہ کے پاس یہ دریافت کرنے کیلئے بھیجا کہ انہوں نے نمازی کے سامنے سے گزرنے والے کے بارے میں رسول اللہ صلی اللہ علیہ وسلم سے کیا سناہے؟ حضرت ابوجہیم رضی اللہ عنہ نے فرمایا، رسول اللہ صلی اللہ علیہ وسلم نے ارشاد فرمایا:اگر نمازی کے سامنے سے گزرنے والاجانتا کہ اس کا کیا گناہ ہے توضرور چالیس تک ٹھہرنا اس کےنزدیک بہتر ہوتا کہ وہ نمازی کے سامنے سے گزرے،راوی حدیث ابوالنضر کہتے ہیں میں نہیں جانتا انہوں نے چالیس دن فرمایا یاچالیس مہینے یاچالیس سال۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم