پانچ سالہ بچی کو دودھ پلانے سے رضاعت

استفتاء

ایک بہن نے اپنا بیٹا دوسری بہن کو اللہ کی رضا کے لیے مستقل دے دیا۔ دوسری بہن کی اپنی ایک سگی  بیٹی موجود ہے جس کی عمر تقریباً پانچ سال ہے۔ کیا جس  بہن نے لڑکا دیا وہ وہ دوسری بہن کی بیٹی کو اپنا دودھ رضاعت کے لیے پلا سکتی ہے۔ جبکہ اس بچی کی عمر تقریباً پانچ سال ہے۔ جس بہن کی بیٹی ہے اس کے لیے گود لیے بیٹے کو دودھ پلانا ممکن نہیں ہو رہا۔ اس کے لیے شرعی حل فرمائیں۔

الجواب :بسم اللہ حامداًومصلیاً

مذکورہ صورت میں جس بہن کا لڑکا ہے اس کے لیے دوسری بہن کی پانچ سالہ بیٹی کو دودھ پلانے کا شریعت میں کوئی اعتبار نہیں کیونکہ رضاعت تب ثابت ہوتی ہے جبکہ بچے نے دو سال سے کم عمر میں دود ھ پیا ہو دو سال سے زائد عمر کے بچے بچی کو دودھ پلانا حرام ہے۔

هو مص من ثدي آدمية في وقت منصوص حولان و نصف عنده و حولان عندهما و هو الأصح. (تنوير الأبصار: 4/ 386 ). فقط واللہ تعالیٰ اعلم