کیا قیامت کے دن عورتوں کے لمبے بال پردے کا باعث ہوں گے؟

استفتاء

اس بات کی کیا حقیقت ہے کہ جب قیامت میں لوگ برہنہ بدن قبر سے نکلیں گے تو عورتیں اپنے لمبے بالوں سے اپنے سینوں کو چھپائیں گی لہذا عورت بال لمبے رکھے یہ قیامت کے دن اس کے پردے کا کام دیں گے۔کیا یہ بات صحیح حدیث سے ثابت ہے؟

الجواب :بسم اللہ حامداًومصلیاً

یہ بات ہمیں کسی حدیث میں نہیں ملی کہ بروزِمحشر عورتیں اپنے لمبے بالوں سے اپنے سینوں کو چھپائیں گی،البتہ عورتوں کو لمبے بال رکھنے چاہئیں،بلا عذر سرکےبال کٹوانا  اور مردوں کی مشابہت اختیارکرنا  جائزنہیں ہے۔

شامی(671/9)میں ہے:قطعت شعر رأسها أثمت و لعنت…..والمعني المؤثر التشبه بالرجال.قوله (المعني المؤثر) أي العلة المؤثرة في اثمها التشبه بالرجال فانه لايجوز كالتشبه بالنساء

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم