قضا ء روزے کے ساتھ نفل کی نیت کرنا

استفتاء

اگر کوئی رجب کے روزے کے ساتھ اپنے قضاء روزہ کی نیت کرلے تو کیا یہ درست ہے ؟مطلب دونیت ہو گئیں تو کیا اس طرح کرنے سے نفلی روزے کا ثواب بھی ملے گا اور قضاء بھی اداء ہو جائے گا؟اس کے ساتھ کوئی تیسری نیت بھی معتبر ہو گی؟ جیسے صلوۃ حاجت کی نیت کرنا ۔مطلب ایک روزہ میں مذکورہ تین نیتیں کی جا سکتیں ہیں ؟

الجواب :بسم اللہ حامداًومصلیاً

قضاء روزے کے ساتھ نفل کی نیت نہیں ہو سکتی ۔اگر کرے بھی تو قضاء ہو گا نفل نہیں ۔چاہے قضاء کے ساتھ ایک نفل کی نیت کرے یا زیادہ کی ،بہر صورت قضاء ہی ہو گا۔

چنانچہ عالمگیری میں1/197ہے:

واذا نوی قضاء بعض رمضان والتطوع یقع عن رمضان فی قول ابی یوسف ؒ وهو روایة عن ابی حنیفة ؒکذا فی الذخیرة۔