ربیع الاول کی مبارک باد سے متعلقہ ایک حدیث کی تحقیق

استفتاء

18اکتوبربروز اتوار ربیع الاول شروع ہونے والاہے ۔حضرت محمدﷺنےفرمایا:

’’جس نے سب سے پہلے ربیع الاول کی مبارک دی اس پر جنت واجب ہوگئی‘‘

کیا یہ حدیث ٹھیک ہے ؟قرآن وحدیث کی روشنی میں جواب عنایت فرمائیں

الجواب :بسم اللہ حامداًومصلیاً

مذکورہ حدیث کتب احادیث میں نہیں ملی ، البتہ اس سے ملتی جلتی ایک حدیث کتابوں میں ملتی ہے جس کا مفہوم یہ ہے ’’جو شخص مجھے صفرکےمہینےکےختم ہونےکی بشارت دے گا میں اس کو جنت کی بشارت دوں گا‘‘۔

ممکن ہے کسی نے اسی روایت سے مذکورہ بالامفہوم کشید کیا ہو،کیونکہ صفرکاجاناربیع الاول کاآنا ہے۔اوراس حدیث کو محدثین نےبےاصل اورموضوع (من گھڑت)کہاہے۔

كشف الخفاء (2/ 236)

  من بشرني بخروج صفر بشرته بالجنة . قال القاري في الموضوعات تبعا للصغاني : لا أصل له

الفوائد المجموعة في الأحاديث الموضوعة (ص: 438)

حديث من بشرني بخروج صفر بشرته بالجنة قال الصغاني موضوع وكذا قال العراقي

تذكرة الموضوعات للمقدسي (ص: 61)

100…ومنها(ای من الموضوعات) قولهم من بشرني بخروج صفر بشرته بدخول الجنة

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی ا   علم