رمضان کے روزے نہ رکھے ہوں تو کیا کریں

استفتاء

السلام علیکم ورحمۃ اللہ وبرکاتہ

میرا سوال یہ ہے کہ ایک آدمی نے بلوغت کے بعد بلاکسی شرعی اور مجبوری کے رمضان کے روزے چھوڑ دیئے ہوں اور اب وہ اس پر سخت پشیمان بھی ہو اور توبہ استغفار بھی کرتا ہو اور اس کو یہ فکر ہو کہ اس کی قضا کی جائے تو کیا ہر روزے کے بدلے کفارہ بھی ادا کرنا ہو گا یعنی 60روزے یا صرف جنتے روزے چھوڑے ہوں گے ان کی تعداد پوری کرے تو اس کی قضاء پوری ہو جائے گی۔

قرآن وحدیث کی روشنی میں رہنمائی فرمائیں

الجواب :بسم اللہ حامداًومصلیاً

اگر روزے صرف چھوڑے ہیں یعنی رکھے نہیں تو صرف قضا کرنی پڑے گی اور اگر رکھ کر توڑے ہوں تو توڑنے کی تفصیل بتائیں پھر اس کا جواب دیا جائے گا