رکوع کرنے پر آدمی کے وزن کے برابر سونا صدقہ کرنے کے ثواب سے متعلق روایت کی تحقیق

استفتاء

” میری نماز” مولانا ادریس انصاری صاحب کی  کتاب ہےاس میں نماز کے فضائل میں لکھا ہے کہ “رکوع کرنے پر آدمی کے وزن کے برابر سونا صدقہ کرنے کا ثواب ملتا ہے”اور “سبحان ربی العظیم ” پر تمام آسمانی کتابوں کے برابر اور سجدے میں تمام مخلوقات کے برابر ۔اور اس کے علاوہ اور بھی فضائل لکھے ہیں۔بحوالہ شرح اربعین نووی ۔سوال یہ ہے کہ:

1۔کیا یہ مستند حدیث  ہے یا ضعیف؟

2۔اور کیا ہم اس کو آگے بیان کر سکتے ہیں؟

3۔ اور کیا فضائل میں ضعیف روایات بھی چل جاتی ہیں؟

الجواب :بسم اللہ حامداًومصلیاً

1۔مذکورہ حدیث کافی تلاش اور سعی کے باوجود  ہمیں کسی جگہ نہیں ملی۔

2۔جب تک مذکورہ حدیث اور اس کی سند نہیں مل جاتی اس وقت تک بیان نہیں کر سکتے ۔

3۔فضائل میں ضعیف روایت بیان کی جا سکتی ہے۔

القول البدیع (ص:496) میں ہے:

قال شیخنا الاسلام ابو زکریا النووی رحمه الله فی (الاذکار) :قال علماء من المحدثین والفقهاء و غیرهم یجوز و یستحب العمل فی الفضائل والترغیب و الترهيب بالحدیث الضعیف ما لم یکن موضوعا واما الاحکام کالحلال والحرام والبیع والنکاح والطلاق وغیر ذلک فلا یعمل فيها الابالحدیث الصحیح او الحسن الا ان یکون فی احتیاط فی شیء من ذلک کما اذا ورد حدیث ضعیف بکراهة بعض البیوع اوالانکحة  فان المستحب ان يتنزه عنه ولكن لا يجب ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم