والدین کا حق ادا کرنے والی دعا کی تحقیق

استفتاء

علّامہ عینیؒ نے شرح بخاری میں ایک حدیث نقل کی ہے کہ جو شخص ایک مرتبہ مندرجہ ذیل دعا پڑھے اور  اس کے بعد یہ دعا کرے کہ یاللہ ! اس کا ثواب میرے والدین کو پہنچا دے تو اس نے والدین کا حق ادا کردیا  :الْحَمد لله رب الْعَالمين رب السَّمَوَات، وَرب الأَرْض رب الْعَالمين، وَله الْكِبْرِيَاء فِي السَّمَوَات وَالْأَرْض، وَهُوَ الْعَزِيز الْحَكِيم، لله الْحَمد رب السَّمَوَات وَرب الأَرْض رب الْعَالمين، وَله العظمة فِي السَّمَوَات وَالْأَرْض وَهُوَ الْعَزِيز الْحَكِيم هُوَ الْملك رب السَّمَوَات وَرب الأَرْض وَرب الْعَالمين، وَله النُّور فِي السَّمَوَات وَالْأَرْض وَهُوَ الْعَزِيز الْحَكِیم ۔  عمدۃ القاری شرح صحیح البخاری (2/176)

یہ شریعت کی روشنی میں  درست ہے یا نہیں ؟

الجواب :بسم اللہ حامداًومصلیاً

مرحوم والدین کےلئے دعا و استغفار اور ایصالِ ثواب  کرنا  متعدد روایات سے ثابت ہےاس لئے مذكوره روايت اگرچہ ضعیف ہےلیکن اس میں موجود دعا ایصالِ ثواب کی نیت سے  پڑھ سکتےہیں لیکن اس دعا سے والدین کا حق ادا ہوجانا ضروری نہیں۔ہاں ! اگر کوئی شخص والدین کی وفات کے بعد ان  کے لئےمسلسل دعا و استغفاراورایصالِ ثواب میں  لگا رہے تو امید ہے کہ والدین کے حقوق میں اس سے  جو کمی و کوتاہی ہوئی  اللہ تعالی اسے معاف فرمادے گا چنانچہ مشکوۃ المصابیح (رقم الحدیث 4942) میں شعب الایمان کے حوالہ سے مروی ہے  :قال رسول الله صلی الله عليه وسلم:انّ العبد لیموت والداه او احدهما وانّه لهما لعاقّ فلا یزال یدعو لهما ویستغفر لهما حتیٰ یکتبه الله بارّا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم