وضو ،غسل میں بڑھےہوئے ناخنوں کے نیچے پانی پہنچانا فرض ہے

استفتاء

السلام علیکم ورحمۃ اللہ وبرکاتہ

مفتی صاحب میرے ناخنوں کی ہئیت ایسی ہے کہ جب وہ بڑھ جاتے ہیں تو ان کے نیچے پانی نہیں پہنچتا تو کیا بڑھے ہوئے ناخنوں کے نیچے والا حصہ دھونا فرض ہے۔

الجواب :بسم اللہ حامداًومصلیاً

مذکورہ صورت میں بڑھے ہوئے ناخنوں کے نیچے والے حصے کو دھونا فرض ہے۔

چنانچہ فتاوی عالمگیری( 1/7 )میں ہے:

وما تحت الاظافير من اعضاء الوضوء حتى لو كان فيه عجين يجب ايصال الماء الى ما تحته كذا في الخلاصه واكثر المعتبرات ذكر الشيخ الامام الزاهد ابو نصر الصفار فى شرحه ان الظفر اذا كان طويلا بحيث يستر رأس الانملة يجب ايصال الماء الى ما تحته

چنانچہ بہشتی زیور 1/39 میں ہے:

کسی کے ناخن بڑھے ہوئے ہوں اور انگلیوں کے سرے ان کے نیچے چھپ جائیں تو ان کے نیچے پانی پہنچانا فرض ہے۔