کیا یہ دعا” اللهم اجعلني في عيني صغيرا وفي أعين الناس كبيرا” حدیث میں ہے

استفتاء

اللهم اجعلني في عيني صغيرا وفي أعين الناس كبيرا

کیا یہ دعا حدیث پاک میں ہے ؟ اس کا مطلب واضح فرمادیں؟

الجواب :بسم اللہ حامداًومصلیاً

یہ دعا   مسند بزار (رقم الحدیث4439) ، مسند فردوس (1/191) اور علل ابن ابی حاتم (2/184) اور مجمع الزوائد (10/181) میں موجود ہے  اور حدیث میں مذکور مکمل  دعا کے الفاظ یہ ہیں   :اللهم اجعلني شكورا واجعلني صبورا واجعلني في عيني صغيرا وفي أعين الناس كبيرا

اور اس کا مطلب یہ ہے کہ رسول  ﷺ نے اللہ تعالی سے یہ دعا مانگی تھی  ،  اے اللہ ! امور ِنبوت وخلافت کی ذمہ دار ی ادا کرتے ہوئے مجھے یہ کیفیت عطا فرمادے کہ میں   اپنے آپ   کو بڑا نہ سمجھوں اور تیری مخلوق کو حقیر نہ جانوں  لیکن مخلوق کی نظروں میں میری توقیر و تعظیم باقی رکھ تاکہ وہ میری بات  مانیں اورحکومتی و انتظامی معاملات انجام دینا  آسان ہوجائے  ۔چنانچہ اس حدیث کی شرح میں امام مناویؒ ” فیض القدیر "(2/116) میں فرماتے ہیں :اجعلني في عيني صغيرا وفي أعين الناس كبيرا ـ استوهب ربه أن يعظمه في عيون الخلق ليسهل عليه في الجملة أمره الذي هو خلافة الله في أرضه وما يصحبها من مزاولة معاظم الشؤون ومقاساة جلائل الخطوب ومعاناة أهوال الحروب ۔

السراج المنیر للعزیزی  (1/296) میں ہے :(واجعلني في عيني صغيرا وفي أعين الناس كبيرا) ای لا اکون معظّما مهابا ولااحتقر احدا من خلقك۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم