زمینداروں کو بیج ادھار فروخت کرنا

استفتاء

بسا اوقات جب زمیندار کے پاس فصل بونے کے لیے بیج نہ ہو اور بیج خریدنے کے لیے پیسے بھی نہ ہوں تو وہ منڈی کے کسی آڑھتی کے پاس آ کر بیج کا تقاضا کرتا ہے تو آڑھتی حضرات زمینداروں کو بیج ادھار فروخت کر دیتے ہیں۔ اس ادھار میں ادائیگی کی کوئی خاص مدت تو متعین نہیں ہوتی البتہ یوں کہا جاتا ہے کہ جب موسم آئے گا (یعنی جب اس  بیج سے بوئی گئی فصل کاٹی جائے گی) تو ادائیگی کر دینا۔ اور ایسا نہیں ہوتا کہ اس بیج سے جو فصل اٹھائی گئی ہے اس میں سے ادھار لیے گئے بیج (مثلاً ایک من) کی مقدار آڑھتی کو واپس کر دی جائے، بلکہ قیمت روپے کی صورت میں ہی وصول کی جاتی ہے۔ کیا ادھار معاملے کا مذکورہ طریقہ کار درست ہے؟

الجواب :بسم اللہ حامداًومصلیاً

بیج کی ادھار خرید و فروخت کا مذکورہ طریقہ جائز ہے۔ توجیہ: مذکورہ صورت میں ثمن کی ادائیگی کے لیے فصل کی کٹائی کا وقت طے کیا گیا ہے جو فی الجملہ مجہول ہے اور اس جہالت کی وجہ سے مذکورہ معاملہ جائز نہیں ہونا چاہئے۔ لیکن ایک تو عموماً یہ جہالت صلب عقد میں نہیں ہوتی اور دوسریی یہ جہالت، جہالت یسیرہ ہے اور اس کا عرف بھی ہے اس لیے یہ مفضی الی النزاع نہیں۔ لہٰذا ادھار کا مذکورہ معاملہ جائز ہے۔

(١)        ویجب لصحتہ أن یکون الأجل معلوماً۔ فن کان الأجل فیہ جھالة تفضی لی النزاع، فسد البیع۔ والأصل فیہ قول اللہ سبحانہ و تعالیٰ فی القرآن الکریم: ”یَا اُّیُّھَا الَّذِینَ آمَنُوا ِذَا تَدَایَنْتُم بِدَیْنٍ ِلَی أجَلٍ مُسَمًّی فَاکْتُبُوہُ۔” (سورة البقرة: ٢٧٢)