خطبہ ِ جمعہ کے دوران چندہ اور جمعہ کی فضیلت؟

استفتاء

1۔جمعہ کی دوسری اذان کے دوران یا اس کے بعد خطبہ کے آغاز سے پہلے مسجد پہنچنے والے کو نماز جمعہ کا ثواب ملے گا یا نماز ظہر کا؟

2۔جمعہ کے خطبہ کے دوران مسجد کے چندہ کے لیے صفوں میں پھرنا کیسا ہے؟

الجواب :بسم اللہ حامداًومصلیاً

1۔مذکورہ تمام صورتوں میں  نماز جمعہ کا ثواب ملے گا۔

2۔ خطبہ جمعہ کے دوران مسجد کے لیے چندہ کرنا جائز نہیں ہے۔

1۔اعلاء السنن(8/65) میں ہے:

”ومن لم يدركها فليصل أربعا“ معناه من لم يدرك الخطبة لا حقيقة ،ولا حكما.وأما من جاء إلی صلاة الجمعة بعد تمام الخطبة،وأدرك الصلاة ،فإنه مدرك للخطبة حكما،لأن إمامه قد أدركها … .. .. ..أو يقال:محمول على التغليظ ،ومعناه من فاتته الخطبة فجمعته ناقصة،ولاتكون كأربع كاملة في الثواب والفضيلة،فليصل أربعا بنية الظهر بعدها احتياطا،والله تعالى أعلم.

2۔در المختار (2/ 159) میں ہے:

( وكل ما حرم في الصلاة حرم فيها ) أي في الخطبة….فيحرم أكل وشرب وكلام ولو تسبيحا أو رد سلام أو أمر بمعروف بل يجب عليه أن يستمع ويسكت ( بلا فرق بين قريب وبعيد ) في الأصح.

2۔فتاوی محمودیہ (5/334)میں ہے:

سوال:۔۔۔۔۔۔۔خطبہ کے دوران چندہ لینے اور دینے والے اور درمیان میں گشت کرنے والے مشغول ہوجاتے ہیں۔

الجواب حامداً ومصلیاً:۔چندہ وصول کرنے کیلئے یہ وقت متعین کرنا صحیح نہیں، غلط طریقہ ہے، یا تو اس سے پہلے وصول کیا جائے یانماز سے فراغت پر وصول کیا جائے، مراقی الفلا ح   میں لکھا ہے کہ جو چیز عین نماز کی حالت میں منع ہے وہ چیز خطبہ کی حالت میں بھی منع ہے۔ فقط واللہ سبحانہ تعالیٰ اعلم۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم