دو زبانی اورایک تحریری طلاق کا حکم

استفتاء

بیوی کابیان

’’میری شادی کر تقریباً ڈیڑھ سال بعد میرے شوہر نے مجھے دو مرتبہ طلاق دی میں اپنی خالہ کے گھر گئی تھی میرے شوہر خالہ کے گھر آئے تو غصے کے اندر کچھ بات کی اور انہوں نے دو مرتبہ کہا میں اپنے پورے ہوش وحواس میں تمہیں طلاق دیتا ہوں پھر کہا کہ پیپر بھی بھیج دوں گا،اس کے تقریبا دو دن بعد ایک طلاق نامہ بھیجا جس کی عبارت اس طرح ہے(..….میں مسمی شہزاد عبد المجید بقائمی ہوش وحواس خمسہ بلاجبر واکراہ مسماۃ تہمینہ سلیم کو طلاق دیتا ہوں)۔‘‘

کیا تینوں طلاق ہوگئی ہیں؟ گنجائش باقی ہے یا نہیں؟

الجواب :بسم اللہ حامداًومصلیاً

مذکورہ صورت میں تینوں طلاقیں واقع ہو گئی ہیں نکاح مکمل طور سے ختم ہوگیا ہے اب نہ صلح ہو سکتی ہے اور نہ رجوع کی گنجائش ہے۔

توجیہ: پہلی دو طلاقیں زبانی طلاق دینے سے ہوئیں تیسری طلاق تحریر سے ہوئی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم