Unaico Pvt Ltd/ Site Talk

استفتاء

فیس جو کہ ایک Community Web Site  ہے جس میں لوگ ایک دوسرے کو Add  کر کے دوستانہ ماحول میں بات کرتےہیں۔ اسی طرح پر ” Unaico Pvt Ltd” نے ایک ویب سائٹ ” Site Talk” متعارف کروائی ۔ یہ کمپنی کہتی ہے کہ آپ میری سائٹ کو استعمال کریں اور  لوگوں کو Add کروائیں میں آپ کو انفرادی طور پر 10% کمیشن دوں گی اور یہ آمدنی ہمیں یعنی کمپنی کو اشتہارات کے ذریعے آئے گی۔ کمپنی اپنے  User  کو چار طریقوں سے کمیشن دیتی ہے۔ کمپنی کو مطلوبہ چیزیں:

۱۔ نام         ۲۔ ای میل                  ۳۔ تاریخ پیدائش

کمیشن  حاصل کرنے کا پہلا طریقہ:  Free Site Talk Bonus

جب کوئی شخص نام، ای میل ، تاریخ پیدائش  دے کر اس کمپنی میں   Free Enter  ہوتا ہے تو  اس کا اکاؤنٹ اس طرح دکھائی دیتا ہے۔

L      ALL     R

A                B

کمپنی کہتی ہے کہ آپ  اس طرح اپنے دوستوں کو اس ویب سائٹ میں  Free Add  کروائیں اور ان کو کم از کم ہفتے میں دوبار استعمال کرنے کی دعوت دیں۔ جب اکاؤنٹ میں دوست Add ہو جائیں تو کمپنی  Lesser Leg  کا آپ کو  10% دے گی۔ مثلا ایک وقت آتا ہے کہ ایک سائیڈ پر 6000 اور دوسری سائیڈ پر 5000 دوست ہو جاتے ہیں تو کمپنی کم سائیڈ یعنی 5000 کا آپ کا 10% دے گی۔ اور یہ رقم  Euro  میں دے گی۔ مثلاً فرض کیا کہ 5000 دوست آپ کے نیچے  Enter  ہو جائیں تو 5000 کا 500 Euro 10% ملے گا جس کی ادائیگی ہفتہ وار ہوگی۔ اسی طرح اس کے پیکج کی  Earning Limit  کے لحاظ سے کمیشن  ملتا رہے گا۔ اگر کمیشن منتخب پیکج کی Earning Limit   سے بڑھ جائے تو  Limit سے اوپر والا کمیشن  لینے کے لیے اگلا پیکج لینا ہوگا۔

اب  500 Euro  یا کوئی بھی رقم جو ہمیں دوستوں کی تعداد کے لحاظ سے ملے گی اسے حاصل کرنے  کے لیے ہمیں کمپنی کے پیکج میں سےکوئی  پیکج لے کر Master Card  لینا ہوگا تاکہ ہم اپنی رقم یہاں کے  ATM  سے نکلوا سکیں۔

نوٹ: کمپنی کی طرف سے کوئی پابندی نہیں کہ آپ پہلے پیکج لیں بلکہ کمپنی کہتی ہے کہ جب تک آپ کو یقین نہ ہو جائے کہ آپ کا کمیشن اس رقم سے زیادہ ہو کیا ہے جو آپ نے  Upgrade ہونے کے لیے  پیکج کی صورت میں کمپنی کو دینے ہیں۔ جب تک آپ Upgrade نہ ہوں اور اپنی Chain  بننے دیں جب آپ  محسوس کریں کہ اب ہم اس قابل ہوگئے ہیں کہ ہمیں ایک معقول کمیشن مل جائےگا تب اس کمیشن کو حاصل کرنے کے لیے کوئی پیکج لے لیں اور یہ کمیشن پیکج لینے کے بعد شروع ہوجائے گا اور پیکج لینے سے پہلے کمیشن لینا ضروری ہے اور یہ پیکج صرف ایک مرتبہ لینا ہوگا۔

کمپنی کے پیکج کی تفصیل:

کمپنی نے Upgrade  ہونے کے لیے تین  پیکج رکھے ہیں:

1. 149 Euro, Earning 500 Euro ( Master Card )
2. 500 Euro, Earning 2500 Euro ( M.C Free ) ( 1590 O.F.C Shares)
3. 2000 Euro, Earning 12500 Euro ( M.C Free ) ( 12000 O.F.C Shares )

اپنا کمیشن  حاصل کرنے کے لیے ان پیکج میں سے کوئی پیکج کرنا پڑتا ہے۔

۱۔ اگر کوئی پہلا پیکج  149 Euro  منتخب کرے تو کمپنی ان پیسوں سے Towbh  بنک جوکہ سنگاپور میں ہے اس میں User  کا اکاؤنٹ کھول کے دے گی جس سے بنک ایک Master Card  اپنے User   کو دے گا۔ جس سے وہ اپنے پیسے پاکستان کے کسی بھی بنک سے ATM  کے ذریعے نکال سکتا ہے۔ اس پیکج میں O.F.C  یعنی Shares  نہیں ملیں گے۔

۲۔ اگر User   دوسرے پیکج سے Upgrade   ہوتا ہے تو ان 500 Euro میں سے  Master Card   فری ملے گا ور ان 500 Euro میں کمپنی اسے 1590 حصص دے گی جو  کہ ابھی O.F.C  کہلاتے ہیں۔ جب کمپنی سٹاک مارکیٹ میں آئے گی تو پھر یہ Shares  کہلائیں گے۔

۳۔ اسی طرح اگر کوئی تیسرا پیکج  2000 Euro سے Upgrade سے ہوتا ہے اس میں  O.F.C   12000 ملیں گے اور O.F.C  فری ہوگا۔

جن لوگوں نے دوسرا اور تیسرا پیکج منتخب کی ہے اور انہیں O.F.C   مل گئے ۔ یہ  چار مرتبہ Split Over  ہوں گے۔ مثلاً ابھی ایک O.F.C   کی قیمت 0.11 cent  ہے تو بڑھتے بڑھتے یہ قیمت 0.20 cent  ہوگی، جب یہ 0.20 cent   پر پہنچے گی تو واپس 0.11 cent پر آجائے گی اب نئے خریدار کے لیے 0.11 cent ہوگی اور پرانے لوگ جو کہ O.F.C   خرید چکے ہیں ان کے O.F.C   ڈبل ہوجائیں گے اور ایسا چار مرتبہ ہوگا جس میں سےتین مرتبہ تو ہو چکا ہے ۔ اب آخری مرتبہ ہونا ہے۔ اور مئی 2011ء میں ابھی O.F.C   کی قیمت 0.12 cent  ہے۔ پھر جب کمپنی سٹاک مارکیٹ میں آئے گی کمپنی کے مطابق اس کے ایک Share  کی قیمت 40, Euro  سے  50, Euro  نکلے گی۔ اس دوران صارف اپنے Shares بیچ بھی سکتا ہے۔

نوٹ : اگر User  کمپنی کے سٹاک میں آنے کے باوجود بھی اپنے O.F.C   جو کہ اس وقت Shares  ہونگے نہیں بیچتا  تو کمپنی  ہر ماہ اپنے کل منافع میں سے اس کے  Shares  حساب سے منافع دے گی۔

کمیشن حاصل کرنے کا دواسرا طریقہ: Direct Bonus

اگر User (علی ) نے کسی بھی پیکج سے Upgrade کیا تو اگر فرضا اس نے نیچے سے A اور B کو متعارف کروایا تھا اب ان میں سے کوئی کسی پیکج  سے Upgrade ہوتا ہے تو کمپنی  اس کا بھی 10%  علی  کو دےگی۔

10%             ALI

upgrade

A           B

کمیشن حاصل کرنے کا تیسرا طریقہ : Pairing Bonus

اگر نیچے سے کسی نے Upgrade کیا تو اس کے علی کو 500/ Points  بزنس والیم ملیں گے۔ فرض کریں کہ اگر Right Side  سے کسی نے Upgrade کیا تو 500/ Points بزنس والیم ملیں گے پھر اگر Left Side  سے بھی کسی نے Upgrade کیا تو اس کے بھی 500/ Points   بزنس والیم ملیں گے۔ اب Right Side اور Left Side   کے 500/ Points آپس میں میچ ہوئے تو اس کا علی  کو 10% ملے گا۔

ALI                                         10%

500B.V                                               500B.V

Upgrade A                                 B Upgrade

کمیشن حاصل کرنے کا چوتھا طریقہ:Matchin Bonus

اگر کسی  کی ایک سائیڈ کام کرتی ہے اور اس میں دوستوں کا اضافہ ہوتا ہے لیکن اس کی دوسری سائید کام نہیں کرتی تو اس کے باوجود بھی اسے کمیشن ملے گا۔ مثلاً علی نے اپنی  Right Side  پر چار لوگ متعارف کروائے اور دوسری Left Side  پر کسی کو متعارف نہیں کروایا تو جس سائیڈ پر چار لوگ متعارف کروائے ان کے پورے مہینے کی کل آمدنی کا 3% اسے ملے گا۔ اور ان چار لوگوں نے اپنے نیچے جن کو متعارف کروایا تھا ان کی آمدنی کا 2% ہر مہینے بعد اسے ملے گا اور یہ نیچے سات درجے تک اسے ملےگا۔ اس کی صورت اس طرح ہوگی۔

Total Incom        ALI

3%

A       B       C       D

2%

سات درجے

یہ کمپنی کا Main Plan  تھا جسے مختصر بیان کیا ہے۔

آپ سے سوال یہ ہے کہ شریعت کی روشنی میں بتائیں کہ اس  طریقے سےکام کرنا جائز ہے یا نہیں؟۔جبکہ اس کام میں  آنے کا کوئی سرمایہ نہیں لگانا پڑتا۔ کسی چیز کو خریدنا نہیں پڑتا اور ایک طرف کام کرنے کے باوجود بھی کمیشن ملتا ہے۔

اگر یہ ناجائز ہے تو ان وجوہات کو بھی مختصرا بیان فرما دیں جس کی وجہ سے ان میں خرابی لازم آرہی ہے تاکہ جو لوگ اس کام سےمنسلک ہوچکے ہیں انہیں سمجھانے میں آسانی ہو۔

الجواب :بسم اللہ حامداًومصلیاً

مذکورہ طریقوں سے کمیشن حاصل کرنا جائز نہیں۔ وجہ یہ ہے کہ براہ راست ممبر بنانے پر کمیشن لینا تو جائز ہے لیکن بالواسطہ ممبر بنانے پر کمیشن لینا جائز نہیں، کیونکہ جس شخص کو علی نے بذات خود ممبر بنایا ہے اس میں تو علی نے دلالی کی ہے ۔ لیکن جس کو علی کے بنائے ہوئے ممبر نے ممبر بنایا ہے اس میں دلالی علی نے نہیں کی لہذا اس پر کمیشن لینے کی کوئی شرعی بنیاد نہیں۔ واضح رہے کہ آگے ممبر بنانے کی ترغیب دینا دلالی نہیں ہے۔

سوال میں مذکور کمیشن حاصل کرنے کے چاروں طریقوں میں یہ خرابی  پائی جاتی ہے جس کی تفصیل یہ ہے :

1۔ پہلی صورت میں کمپنی Lesser Log  کا 10% دیتی ہے مثلاً ایک سائیڈ پر 5000دست ہوگئے تو اس کادس فیصد دے گی۔ ظاہر ہے کہ یہ تمام لوگ علی نے Add  نہیں کروائے بلکہ اس کے براہ  راست  Add کروائے گئے دوستوں نے جن کو Add   کروایاہے وہ بھی اس میں شال ہیں جس پر کمیشن لینا علی کے لیے جائز نہیں۔

2۔ دوسری صورت میں بھی علی کا متعارف کروایا گیا ممبر”B  "Upgrade  ہوتا ہے تو وہ بھی اسی بنیاد پر ہوتا ہے کہ اس نے ایک معتدبہ تعداد میں دوستوں کو Add   کروایا ہے تو یہاں بھی علی نے ایسی دلالی نہیں کی جو شرعاً کمیشن کے استحقاق میں معتبر ہو۔

3۔ تیسری صورت میں بھی نیچے سے کسی کے Upgrade  ہونے پر علی کو بزنس Points  مل رہے ہیں یہ بھی کسی معتبر دلالی کی بنیاد پر نہیں مل رہے۔

4۔ چوتھی صورت میں نیچے سات درجوں تک کمیشن لینا بالواسطہ ممبر بنانے پر کمیشن لینا ہے جو کہ شرعی دلالی نہیں ہے۔