دادا  کی میراث میں پوتوں کا حصہ

استفتاء

ایک بزرگ جن کے تین بیٹے اور ایک بیٹی ہے۔ ان میں سے ایک بیٹے کا انتقال والد صاحب کی زندگی میں ہی2001ء  میں  ہو گیا تھا۔والد کا انتقال2004ء میں ہوا۔ اور بزرگ کی بیوی کا انتقال پہلے ہو چکا تها۔

1)  والد کا ایک مکان ہے اس کی تقسیم کا کیا طریقہ کار ہے؟

2) کیا جو بیٹا والد سے پہلے انتقال کر گیا ہےاس کے بچوں کو وراثت میں حصہ دیا جائے گا؟ جب کہ بزرگ نے کسی کے بارے میں کوئی وصیت بھی نہیں کی ۔

الجواب :بسم اللہ حامداًومصلیاً

1) مذکورہ صورت میں کل ترکہ کے پانچ حصے کیے جائیں گے جن میں سے ہر بیٹے کو 2 حصے اور بیٹی کو 1 حصہ ملے گا۔ تقسیم کی صورت درج ذیل ہے:

5                                        

2بیٹے                                    1بیٹی

عصبہ

5

2+2                                  1

2) شرعی لحاظ سے تو ان کا حصہ نہیں بنتا لیکن اگر تمام ورثاء رضامندی سے پوتوں کو ترکہ میں سے کچھ دینا چاہیں تو کوئی حرج نہیں ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم