طلاق طلاق طلاق دی

استفتاء

لڑکے نے تین دفعہ طلاق، طلاق،طلاق دی” کہہ دیا تھا۔ دوگواہ موجود تھے جن کے سامنے یہ الفاظ کہے۔ حضرت صاحب فرمادیں کہ کیا طلاق ہوگئی ہے یا کوئی گنجائش باقی ہے؟تفصیل سے فتویٰ تحریر فرمادیں تاکہ صحیح فیصلہ ہوسکے۔ شادی کو ایک سال ہوگیاہے ۔ یہ الفاظ کہے پچیس دن ہوگئے ہیں۔

الجواب :بسم اللہ حامداًومصلیاً

مذکورہ صورت میں تینوں طلاقیں واقع ہوچکی ہیں جس کی وجہ سے نکاح مکمل طور پر ختم ہوگیاہے۔ لہذا اب نہ تو صلح ہوسکتی ہے ، اور نہ ہی رجوع کی گنجائش ہے۔

اکٹھی تین طلاقوں کے واقع ہونے پرتمام صحابہ ،تابعین ، اور علمائے امت کا شروع سے اجماع واتفاق ہے۔ فقط واللہ تعالیٰ اعلم