مشروط وصیت، ماں بیوی، 4 بیٹے، 5 بیٹیاں میں تقسیم وراثت

استفتاء

مطلوب یہ ہے کہ میرے والد مرحوم نے دوسری شادی کر رکھی تھی اور اس سال حج کے سفر پر جانے سے پہلے مجھے اور اپنی دوسری بیوی کو کہا کہ میرے پیچھے ( اگر  میری وہاں موت ہوجائے ) وراثت آدھی آدھی کر لینا۔ لیکن بحمد اللہ وہ حج کے سفر سے صحیح سالم واپس آگئے تھے اور وفات سے تقریباً دو تین قبل ایک تحریر لکھی جس میں وراثت کی تقسیم کا کوئی تذکرہ نہیں تھا۔بس جس میں صرف ان کے  بیوی کے ساتھ حسن سلوک کا کہا گیا ہے۔

اور میرے والد کی وفات کے بیس دن بعد دوسری بیوی سے ایک بچی پیدا ہوئی ہے۔

1۔ کیا وہ وصیت جو انہوں نے حج پر جاے سے پہلے کی تھی وہ نافذ ہوگی یا نہیں؟

2۔ میرے والد کی پہلی بیوی سے جو اولاد ہے اس کی تفصیل یہ ہے ، چار بیٹے، چار بیٹیاں اور بیٹی دوسری بیوی سے ہے۔ پہلی بیوی مطلقہ ہے اور ہماری دادی بھی حیات ہیں۔ گویا مسئلہ یوں ہے:

ماں                             بیوی               4 بیٹے             5 بیٹیاں

اگر وصیت نافذ نہیں ہوگی تو ان ورثاء میں وراثت کی تقسیم کیسے ہوگی؟

الجواب :بسم اللہ حامداًومصلیاً

وہ وصیت نافذ نہ ہوگی کیونکہ وہ اس وقت کے لیے تھی کہ آپ کے والد سعودیہ میں وفات پا جاتے، باقی وراثت کی تقسیم کا طریقہ  کار یہ ہے کہ کل مال کے 312 حصے کر کے 52 حصے مرحوم کی والدہ کو ، 39 حصے ان کی اہلیہ کو 34-34 حصے ہر بیٹے کو اور 17- 17 حصے ہر بیٹی کو ملیں گے۔ صورت تقسیم یہ ہے:

24×13= 312                                                                    

ماں                               بیوی                        4 بیٹے                                5 بیٹیاں

6/1                  8/1                                 عصبہ

13x 4              13x 3                    13x 17

52                             39                                  221

52                             39               34+34+34+34              17+17+17+17+17