میراث کی ایک صورت

استفتاء

ہمارےوالدمحترم(مرحوم)وفات پاچکے ہیں ان کےنام کاگھرجوکہ چارمرلےڈبل سوری پرانابناہوامکان ہےاوران کی اولادمیں ہم )فوت شدہ بھائی کاشف سمیت)چار بھائی ہیں اورایک بہن ہےاوروالدہ حیات ہیں،اورہماراایک بھائی(کاشف مرحوم)وفات پاچکےہیں،ان کی بیوی اپنےماں باپ کےگھرجاچکی ہے،کاشف مرحوم کےدوبیٹےاورایک بیٹی  ہے۔

ہمارےپاس یہ اشیاءہے:

(1)مکان چارمرلےوالاباپ کےنام ہے(2)دوسرامکان والدہ کے نام ہے(3)ایک گاڑی کاشف کے نام تھی جس میں بھائی شاہد کی شراکت ہے (4)دوسری گاڑی چاروں بھائیوں کے نام ہے (5) ایک دوکان جو کاشف بھائی کی اپنی ملکیت تھی جو دس لاکھ کی ہے (6)کاشف بھائی(مرحوم)کی اپنی ملکیت  تقریباڈیڑھ کروڑ روپیہ ہےجوساری کےساری زوجہ کاشف(فاطمہ)لے جا چکی ہیں ۔

(1)برائے مہربانی ہم کو مسئلہ بتادیں  کہ کن کن چیزوں میں کس کس کا کتناکتناحق بنتاہے ۔

(2)اوریہ بھی بتائیں کہ دادا کی وراثت میں پوتوں کا حصہ بنتا ہے یا نہیں؟

وضاحت مطلوب ہے:

(1)میت کے والدین حیات ہے؟ (2)بھائی کاشف مرحوم اپنےوالدسےپہلےفوت ہوئےہےیابعدمیں؟ (3)آپ کےوالدکی ملکیت میں اورکیاکیاچیزیں ہیں؟ (4)بھائی کاشف کی ملکیت میں کیاکیاچیزیں ہیں؟(5)والدہ کے نام مکان کس نے کیا اور کس وجہ سے کیا اور ملکیت کن کی ہے؟(6)دونوں گاڑیوں میں شراکت کا تناسب کیا ہے؟

جواب وضاحت:(1)نہیں(2)بعد میں فوت ہوئے(3)اور کوئی چیز نہیں ہے(4)بس یہی چیزیں ہیں(5)حق مہر کی جگہ گھر لے کر دیا تھا(6) نصف نصف،گاڑی کی قیمت اس وقت پانچ لاکھ ہےاور دوسرے گاڑی میں سب بھائی برابر کےشریک ہیں،اس وقت اس کی قیمت دس لاکھ ہے۔

الجواب :بسم اللہ حامداًومصلیاً

(1) مذکورہ صورت میں جو مکان آپ کے والد کا ہے اس کے کل 72حصےکئےجائیں گے جن میں سے والدہ کو 9حصےدیئےجائیں گے اور ہر بیٹے کو 14حصےاوربیٹی کو7حصےدیئےجائیں گے۔تقسیم کی صورت درج ذیل ہے:

8×9=72                                                                                                          

بیوی                      بیٹاکاشف                       بیٹا                    بیٹا                    بیٹا                    بیٹی

8/1                                                        7×9=63عصبہ

1×9=9

9                     14               14               14               14                         7

(2)باپ کی طرف سے کاشف کو ملنے والا حصہ،گاڑی کی چوتھائی قیمت جس میں چار بھائی شریک ہیں،دوکان،ڈیڑھ کروڑروپیہ اورجوگاڑی بھائی شاہدکےساتھ مشترک ہےاس کانصف ملاکر،یہ سب کاشف کا ترکہ ہےاس کے 120حصےکئےجائیں گےجن میں سے کاشف کی والدہ کو20 حصے اور بیوی کو 15حصے اور ہر بیٹے کو34،34حصے اوربیٹی کو17حصے دیے جائیں گے۔

تقسیم کی صورت درج ذیل ہے:

24×5=120                                                                                                      

والدہ                      بیوی                  بیٹا                    بیٹا                    بیٹی        تین بھائی ایک بہن

6/1                    8/1                            17×5=85عصبہ                                   محروم

4×5                 3×5

20                             15               34               34               17

(3)جب تک میت کےبیٹےموجودہوں پوتوں کوحصہ نہیں ملتا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم