• جامعة دارالتقوی لاہور، پاکستان
  • دارالافتاء اوقات : صبح آ ٹھ تا عشاء

  (1) تقسیم میراث کی ایک صورت۔ (2) وراثت کے مکان میں ایک وارث نے اپنے ذاتی خرچ سے تعمیراتی کام کروایا تو اس کا کیا حکم ہو گا؟

استفتاء

ہمارے والد صاحب کی ملکیت میں ایک مکان تھا، والد صاحب کا 2006ء میں انتقال ہوا، اس وقت ان کے ورثاء میں تین بیٹے اور ایک بیٹی تھی، جبکہ ان کی بیوی کا ان سے پہلے 2005ء میں انتقال ہو گیا تھا۔ پھر تین بیٹوں میں سے ایک بیٹے 2013ء کو فوت ہوئے، ان کے ورثاء میں بیوی اور دو بیٹے ہیں۔ نیز ہمارے دادا، دادی، نانا، نانی کا بہت پہلے انتقال ہو چکا ہے۔ مکان کی قیمت تقریباً 40 لاکھ روپے ہے۔

1۔ مذکورہ مکان یا اس کی قیمت میں کس کس کا کتنا کتنا حصہ ہے؟

2۔ والدین کے انتقال کے بعد ہمارے بڑے بھائی  نے مکان میں کچھ تعمیراتی کام کروایا تھا، جس کا سب کو علم ہے، اس سلسلے میں ان کا کہنا ہے کہ بناتے وقت میں نے یہ کہا تھا کہ اس تعمیر میں جو پیسہ خرچ ہو رہا ہے وہ پیسے میں اس وقت لے لوں گا جب یہ مکان بکے گا، جبکہ وہ تعمیر کیے گئے حصے میں خود رہائش پذیر تھے، اور عرصہ 9 سال سے وہ تعمیر شدہ حصہ انہی کے زیر استعمال ہے، ان کا کہنا ہے کہ دو لاکھ روپے اس تعمیر میں ان کے خرچ ہوئے تھے۔ تو کیا شرعاً بڑے بھائی  کا دو لاکھ روپے اس میراث میں سے لینا صحیح ہے یا نہیں؟

نوٹ: بڑے بھائی کے علاوہ ایک بھائی اور ایک بہن بھی اسی مکان میں رہ رہے ہیں۔ فوت ہونے والے بھائی بھی اسی مکان میں رہتے تھے، ان کی وفات کے بعد ان کی بیوی میکے چلی گئی، وہ جس کمرے میں رہتے تھے، وہ کمرا بند پڑا ہے۔

الجواب :بسم اللہ حامداًومصلیاً

1۔ مذکورہ صورت میں مکان کی قیمت کے 56 حصے کیے جائیں گے، جن میں  سے مرحوم کے ہر بیٹے کو 16-16 حصے (یعنی 28.571%فی کس)، ان  کی بیٹی کو  8 حصے (یعنی14.285%)، فوت شدہ بیٹے کی بیوی کو 2 حصے (یعنی 3.571%)، ان کے دو بیٹوں میں سے ہر ایک کو 7-7 حصے (یعنی 12.5%فی کس) ملیں گے۔ صورت تقسیم یہ ہے:

بیٹا

2

7×8=56                                                             

بیٹا                    بیٹا                    بیٹی

2×8             2×8             1×8

16               16               8

 

 

8×2=16 8                   میت ثانی بیٹا      2×8=16

بیوی                              بیٹا                    بیٹا

1/8                                          عصبہ

1×2                                7×2

2                                    14

2                           7                 7

 

 الاحیاء                                                                                                                            

دو بیٹے                                        بیٹی                                بیٹے کی بیوی                     دو بیٹے

16 فی کس                                  8                           2                           7 فی کس

28.571%                              14.285%               3.571%                 12.5%

 

2۔آپ کے بڑے بھائی نے تعمیراتی کام میں جو دو لاکھ روپے خرچ کیے ہیں، وہ دو لاکھ روپے ان کو الگ سے ملیں گے کیونکہ انہوں نے یہ پیسے خرچ کرتے وقت ہی یہ کہہ دیا تھا کہ میں یہ پیسے  واپس لے لوں گا لہذا یہ پیسے قرض سمجھے جائیں گے۔ باقی رہی یہ بات کہ وہ تعمیر کیے گئے حصہ میں خود رہائش پذیر تھے تو اس سے ان کا قرض ختم نہ ہو گا کیونکہ اس حصے میں جس طرح وہ خود رہائش پذیر تھے اسی طرح دوسرے حصوں میں دوسرے بہن بھائی رہائش پذیر تھے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فقط و اللہ تعالیٰ اعلم

Share This:

© Copyright 2024, All Rights Reserved