وہمی مریض کی طلاق

استفتاء

وہمی مریض کی طلاق واقع ہوتی ہے یا نہیں ؟دلیل کے ساتھ راہنمائی فرمائیں ،بہت زیادہ  وسوسے آتے ہیں اس کو روکنے کوشش کرتا ہو ں مگر روک نہیں پاتا ۔ شک کرتا ہو ں ۔طلاق کے وسوسے بہت زیادہ آتےہیں اور سوچتا   ہوں  کہ اس طرح ہوا ہے یا نہیں  اور اس سوچ سے خوف آتا ہے کہ کہیں میرے منہ سے نہ نکلے ۔زیادہ تر چیزیں یاد نہیں رہتی  ڈاکٹر کی           گولیاںوغیرہ  استعمال کرتا ہوں اور ڈاکٹر بھی کہتا ہے کہ یہ ایک بیماری ہے اور دماغ کی وجہ سے  ہے ۔

الجواب :بسم اللہ حامداًومصلیاً

اگر ز با ن سے طلاق نہیں د ی تو  طلاق کے محض وہم ہو جانے سے طلاق نہیں ہوتی ۔

در مختار(4/496) میں ہے:

علم انه حلف ولم يدر بالطلاق او غيره لغا،كما لو شك اطلق ام لا،                                   

ردالمحتار  (6/342)میں ہے:

عن الليث:لا يجوز طلاق الموسوس ،قال: يعني المغلوب في عقله،

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم