’’تمہارا جسم مجھ پر حرام ہے‘‘ کہنے سے طلاق کا حکم

استفتاء

ایک مسئلہ پوچھنا تھا۔رہنمائی فرماسکتے ہیں؟مسئلہ یہ ہے کہ اگر کوئی خاوند اپنی زوجہ سے کہےکہ’’تمہارا جسم مجھ پر حرام ہے‘‘تو کیا طلاق ہوگئی؟یہ نہ کہے کہ میرا جسم بلکہ یہ کہے کہ تمہارا جسم،تو کیا طلاق ہوگئی؟

الجواب :بسم اللہ حامداًومصلیاً

اگر کوئی خاوند اپنی زوجہ سے یہ کہے کہ ’’تمہارا جسم مجھ پر حرام ہے‘‘ تو اس سے بھی طلاق ہوجاتی ہے چاہے خاوند نے یہ نہ کہا    ہوکہ ’’میرا جسم تم پر حرام ہے‘‘کیونکہ جب زوجہ کا جسم خاوند پر حرام ہوگا تو خاوند کا جسم بھی زوجہ پر حر ام ہوجائے گانیز مذکورہ الفاظ کہنے سے ایک بائنہ طلاق واقع ہوگی جس کی وجہ سے سابقہ نکاح ختم ہوجائے گا اور دوبارہ اکٹھے رہنے کے لیے نیا نکاح ضروری ہوگا۔

نوٹ:دوبارہ نکاح کرنے کی صورت میں شوہر کو صرف دوطلاقوں کا حق حاصل ہوگا۔

ہدایہ(2/376)میں ہے:

‌(وإذا ‌أضاف ‌الطلاق إلى جملتها أو إلى ما يعبر به عن الجملة وقع الطلاق ) لأنه أضيف إلى محله (وذلك مثل أن يقول أنت طالق) لأن التاء ضمير المرأة (أو يقول رقبتك طالق أو عنقك طالق أو رأسك طالق  أو روحك أو بدنك أو ‌جسدك أو فرجك أو وجهك) لأنه يعبر بها عن جميع البدن.

ردالمحتار(4/518)میں ہے:

(قوله:حرام)…و سيأتي وقوع البائن به بلانية في زماننا للتعارف……. وإن كان الحرام في الأصل كناية يقع بها البائن لأنه لما غلب استعماله في الطلاق لم يبق كناية، ولذا لم يتوقف على النية أو دلالة الحال.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم