غیر مسلم کو بھائی کہنے کا حکم

استفتاء

میں دبئی میں رہتاہوں اور میرے ساتھ ایک آد می کام کرتا ہے جوکہ ہندو ہےکیا میں اسکو بھائی کہہ سکتاہوں؟ اس  کانام ریڈی ہے تو مثلاً میں اس کو ریڈی بھائی  کہہ کر بلا سکتا ہوں یانہیں؟

الجواب :بسم اللہ حامداًومصلیاً

   اردو میں بھائی  کا لفظ کسی کو مخاطب کرنے کے لیے بھی استعمال ہوتا ہے  لہذا  اس عتبار سے کسی کافر کو بھی بھائی کہا جاسکتا ہے البتہ دلی محبت یا دینی اعتبار سے کسی کافر کو بھائی کہنا جائز نہیں۔

فرہنگ آصفیہ (1/405)میں ہے:

بھائی ۔ہ۔اسم مذکر  (1)۔۔۔۔۔ (2) ایک خطابی لفظ بھی ہے جو برابر والے ایک دوسرے کو کہہ کر بولتے ہیں

عمدة القاری شرح صحيح البخاری(12/ 289)میں ہے:

قوله: (المسلم أخو المسلم)  يعني ‌أخوه ‌في ‌الإسلام، وكل شيئين يكون بينهما اتفاق تطلق عليهما اسم الأخوة

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم