تقسیم میراث کی صورت

استفتاء

السلام علیکم ورحمۃ اللہ وبرکاتہ

میرے والد صاحب کل چھ بہن بھائی تھے ،تین بھائی تین بہنیں،پانچ ایک والد سے تھے اورایک بہن دوسرے والد سے تھی ،پہلے ایک بھائی کا انتقال ہوگیا اس کے بعد دوسرے بھائی کا انتقال ہوا اس دوسرے بھائی کے ورثاء بیوہ ،دو بیٹیاں اوربہن بھائی بنتےہیں ۔

اب پوچھنا یہ تھا کہ ان دوسرے بھائی کی وراثت کو کس طرح تقسیم کیاجائے

الجواب :بسم اللہ حامداًومصلیاً

مذکورہ صورت میں اس بھائی کے ترکہ کے 96 حصے کرکے 12حصے اس کی بیوہ کو 32،32حصے دوبیٹیوں کو 5،5حصے سگی بہنوں کو اور10حصے اس بھائی کوجوان کی موت کے وقت زندہ تھا ملیں گے اورماں شریک بہن کو کوئی حصہ نہیں ملے گا اورجو بھائی مرحوم کی زندگی میں فوت ہوچکا تھا اس کو بھی کوئی حصہ نہیں ملے گا۔مسئلہ کی تقسیم یوں ہے :

24×4=96

بیوی           2بیٹیاں             1بھائی                2بہنیں             1اخیافی بہن

1/8—————        2/3————-                        عصبہ        —————-                      محروم

3×4       16×4                     5×4

12                   64                         20

12                   ————32،32———–          10 ————–              5،5