زندگی میں فوت ہونے والے کا وراثت میں حصے، فوت شدہ بیوی کی اولاد کا میراث میں حصہ

استفتاء

کیا فرماتے ہیں علماء دین و مفتیان شرع متین اس مسئلہ میں کہ ایک شخص *** جن کی  پہلی بیوی *** جس سے ایک لڑکی دو لڑکے ہیں۔ دوسری بیوی جو *** کے چھوٹے بھائی کی بیوہ ہے *** نامی یہ دوسری بیوی اپنے پہلے شوہر سے دو لڑکیاں لائی ہے، *** سے کوئی اولاد نہیں ہوئی، *** اور ان کی پہلی بیوی فوت ہو چکی ہے، دوسری بیوی *** اور اس کی دو لڑکیاں اور پہلی بیوی کی اولاد دو لڑکے ایک لڑکی زندہ ہیں۔ *** کی کل جائیداد نقد مال ایک کروڑ تیس لاکھ روپے کی صورت میں موجود ہے۔ مہربانی فرما کر بتائیں کہ کس کس کا کتنا حصہ ہے۔

1۔ *** کا حصہ ہے تو کس کو ملے گا؟

2۔ *** کی اولاد دو لڑکے ایک لڑکی کا کتنا کتنا حصہ ہے؟

3۔ *** کا کتنا حصہ ہے؟

4۔ *** کی اولاد دو لڑکیوں کا کتنا حصہ ہے؟

وضاحت مطلوب ہے:

کہ *** کب فوت ہوئی ***سے پہلے یا بعد میں؟

جواب وضاحت: *** ***سے پہلے فوت ہوئی ہے۔

الجواب :بسم اللہ حامداًومصلیاً

1۔ مذکورہ صورت میں *** کے ترکہ میں ان کی بیوی *** کا کچھ حصہ نہیں، کیونکہ وہ مرحوم کی وفات سے پہلے ہی فوت ہو گئی تھیں۔

2۔ *** کی اولاد کا حصہ ہو گا جس کی تفصیل آگے آئے گی۔

3۔ *** کا آٹھواں حصہ بنے گا۔

4۔ *** کی اولاد کا کچھ حصہ نہیں ہے۔ لہذا ***مرحوم کے ترکہ کو  40 حصوں میں تقسیم کر کے 5 حصے ان کی بیوی *** کو، اور 7 حصے ***مرحوم کی بیٹی کو جو *** سے ہے اور 14، 14 حصے ***مرحوم کے بیٹوں کو ملیں گے۔

یعنی ایک کروڑ تیس لاکھ روپے میں 1625000 روپے بیوی ***  کو، 2275000 روپے مرحوم کی بیٹی کو جو *** سے ہے، اور 4550000- 4550000 ان کی بیٹوں کو ملیں گے صورت تقسیم یہ ہے:

8×5= 40                                                         ایک کروڑ تیس لاکھ

بیوی                  لڑکا               لڑکا               لڑکی

1/8                                     عصبہ

1×5                                    7×5

5                                        35

5                     14               14               7

1625000                 4550000    4550000    2275000

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فقط و اللہ تعالیٰ اعلم