عورت کا پینٹ پہن کر نماز پڑھنا

استفتاء

(1)عورت پینٹ پہن کر نماز پڑھے تو اس کی نماز ہوگی یا نہیں؟

(2)نیز عورت کے لیے پینٹ پہننا نماز یا بغیر نماز میں کیسا ہے؟

الجواب :بسم اللہ حامداًومصلیاً

(1)عورت کا خالی  پینٹ پہن کر نماز پڑھنا مکروہ ہے،  البتہ اگر اوپر بڑی چادر لی ہوئی ہو تو پھر مکروہ نہیں۔

(2) عورت کے لیے پینٹ پہننا نماز یا غیر نماز میں ناجائز ہے، کیونکہ احادیث میں فاسق عورتوں کی مشابہت اختیار کرنے سے منع کیا گیا ہے۔ جبکہ چست لباس پہننا فاسق عورتوں کا شیوہ ہے۔

تنویر الابصار مع درالمختار(100,101,102) میں ہے:

( ويمنع ) حتى انعقادها ( كشف ربع عضو ) قدر أداء ركن بلا صنعه ( من عورة غليظة أو خفيفة ) على المعتمد ( والغليظة قبل ودبر وما حولهما والخفيفة ما عدا ذلك ) من الرجل والمرأة وتجمع بالأجزاء لو في عضو واحد وإلا فبالقدر فإن بلغ ربع أدناها كأذن منع ( والشرط سترها عن غيره ) ولو حكما كمكان مظلم( لا ) سترها ( عن نفسه ) به يفتى فلو رآها من زيقه لم تفسد وإن كره۔

مسائل بہشتی زیور(205/1) میں ہے:

مسئلہ:ایسا چست لباس مثلاً پتلون یا پاجامہ جس سے مخفی اعضا کی شکل نظر آئے اور اوپر سے کوئی چادر بھی نہ اوڑھی ہو جس میں وہ عضو چھپ گئے ہوں تو ایسے لباس میں نماز پڑھنا مکروہ تحریمی ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم