دو سال تک  اپنی  بیوی سے ہمبستری نہ کرنے سے نکاح پر اثر

استفتاء

اگر کوئی شخص ایک سا ل یا دو سا ل تک اپنی بیوی سےدل  نہ چاہنےکی وجہ سے  ہمبستر ی نہ کرے  کیونکہ 60  سا ل کی عمر میں تو ویسے ہی دل نہیں  چاہتا تو اس وجہ سے نکاح پر کوئی اثر ہو تا ہے ؟

الجواب :بسم اللہ حامداًومصلیاً

دل نہ چاہنے کی وجہ سے بیوی سے ہمبستری نہ کرنے سے نکاح پر کوئی اثر نہیں پڑتا ۔

بدائع الصنائع (3/ 254) میں ہے :

وأما ركنه فهو اللفظ الدال على منع النفس عن الجمع [الجماع]في الفرج مؤكدا باليمين بالله تعالى أو بصفاته أو باليمين بالشرط والجزاء حتى لو امتنع من جماعها أو هجرها سنة أو أكثر من ذلك لم يكن موليا ما لم يأت بلفظ يدل عليه لأن الإيلاء يمين لما ذكرنا.

خیرالفتاویٰ(5/228)میں ہے:

جواب:’’۔۔۔۔۔۔  محض بول چال  اور ہمبستری چھوڑنے سے (اگر  چہ کافی مدت تک ہو ) طلاق واقع  نہیں ہوتی ۔ اور یہ ترک شرعاً  ایلاءشرعی میں  داخل نہیں ہے ۔ ایلاء  شرعی کی تعریف یہ ہے الايلاء منع النفس عن قربان المنكوحةمنعامؤكداباليمين  بالله(هنديه) پس صورتِ مسئولہ  میں یہ عورت مطلقہ نہیں ہوگی فقط‘‘

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم