وضو کے بعد اعضاء کو خشک کرنا

استفتاء

وضو کے بعد  بازو اور  چہرہ خشک کرنا چاہیے یا نہیں ؟کسی نے کہا خشک نہ کرو جب تک وضو کے اثرات رہتے ہیں فرشتے دعاکرتے ہیں؟

الجواب :بسم اللہ حامداًومصلیاً

وضو کے بعد اعضا کو خشک کرنا جائز ہے اور سوال میں فرشتوں کے دعا کرنے والی   مذکورہ بات ہمیں نہیں ملی۔

ترمذی ( 1/108)میں ہے

عن عائشة رضي الله تعالى عنها قالت كان لرسول الله خرقة ينشف بها بعد الوضوء۔

ترجمہ :حضرت عائشہ  صدیقہ رضی اللہ تعالی عنھا سے روایت   ہے کہ آپ ﷺ کے پاس کپڑے  کاا یک ٹکڑا  تھا  جس  سے وضو  کے بعد آپ ﷺ  اعضائے  وضو پونچھا کرتے تھے۔

سنن ابن ماجہ(1/36) میں ہے

عن محفوظ بن علقمة عن سلمان الفارسي ان رسول الله توضأ فقلب جبة صوف كانت عليه فمسح بها وجهه۔

ترجمہ:محفوظ بن علقمہ سے روایت ہے کہ حضرت  سلمان فارسی رضی اللہ  تعالی عنہ نے فرمایا کہ آپ ﷺ  نے وضو کیا تو آپﷺ نے اپنا اونی جبہ پلٹ کر اس سے اپنا چہرہ پونچھ  لیا  ۔

ترمذی ( 1/108) میں ہے

عن معاذ بن جبل رضي الله تعالى عنه:قال رأيت رسول الله اذا توضأ مسح وجهه بطرف ثوبه۔

ترجمہ حضرت معاذ بن جبل رضی اللہ تعالی عنہ فرماتے ہیں کہ  میں نے آپ ﷺ کو دیکھا جب آپﷺ وضو فرماتے تو کپڑے کے کنارے سے اپنا چہرہ پونچھ لیتے۔

شامی (1/257) میں ہے

قوله التمسح بمنديل ذكره صاحب المنيةفي الغسل وقال في الحلية ولم ار من ذكره غيره و انما وقع الخلاف في الكراهة ففي الخانية:و لا بأس به للمتوضي و المغتسل روي عن رسول الله انه كان يفعله و منهم من كره ذالك و منهم من كرهه للمتوضي دون المغتسل و الصحيح ما قلنا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم