مزدور کو صدقے کی نیت سے  عام اجر ت سے زیادہ دینے سے  صدقہ ہو جاتا ہے   ؟

استفتاء

اگر ہم  غریب  مزدور   سے کوئی کام کرواتے ہیں  جیسے کوئی  پینچر والے ہو تے ہیں ان سے کوئی کام کروایا اس کے بعد ان سے  مزدوری  پوچھی  تو انہوں نے عام جو مقدار ہوتی ہے ا س  سے زیادہ مانگ لی تو ہم سے جتنی مقدار زیادہ مانگی  ہے وہ صدقے کی نیت  سے( بغیر  کچھ کہے  اس   سے کہ کم کرو)   دے سکتے ہیں ؟

الجواب :بسم اللہ حامداًومصلیاً

مذکورہ صورت میں غریب مزدور کو عام اجرت سے زیادہ اجرت دینا جائز ہے  لیکن  جتنا زیادہ دیا ہے وہ اجر ت ہی رہے گی صدقہ نہیں ہوگا۔

توجیہ :صورتِ مذکورہ میں جب مستاجر    اجیر کی متعینہ اجر ت  پر راضی ہوگیا تووہ سارے کے سارے پیسےاجر ت  بن گئے اور صدقے کے لئے کچھ باقی  نہیں رہا لہٰذاصدقہ نہیں ہوا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم