داڑھی کے ریش بچہ کے دائیں بائیں بالوں کا حکم

استفتاء

داڑھی کے ریش بچہ کے دائیں بائیں کا حصہ داڑھی میں شامل ہے؟

الجواب :بسم اللہ حامداًومصلیاً

ریش بچہ کے اطراف میں دو قسم کے بال ہوتے ہیں :

ایک وہ بال جو نچلے ہونٹ کے نیچے ہوتے ہیں ان کو عربی میں(فنیک)کہتے ہیں ۔

دوسرے وہ بال جو نچلے ہونٹ کے نیچے نہیں ہوتے بلکہ ایک جانب میں ہوکر ہوتے ہیں جہاں مونچھ اور داڑھی آپس میں ملتے ہیں  انہیں عربی میں (شدق)کہتے ہیں ۔

فنیک یعنی وہ بال جو نچلے ہونٹ کے نیچے ہوتے ہیں  یہ بال  داڑھی کا حصہ ہیں ۔

شدق یعنی وہ بال جو نچلے ہونٹ کے نیچے نہیں آتے بلکہ ایک جانب میں ہیں  یہ بال داڑھی کا حصہ نہیں ہیں ۔

شامی(671/9) میں ہے:

نتف الفنيكين بدعة وهما جانبا ‌العنفقة وهي شعر الشفة السفلى كذا في الغرائب

فتاوی عالمگیری( (174/9میں ہے:

نتف الفنيكين بدعة وهما جانبا ‌العنفقة وهي شعر الشفة السفلى كذا في الغرائب

عمدةالقاري ،كتاب اللباس،باب قص الشارب(طبع:دار احياء التراث العربی بیروت،43/22)میں ہے:

وقال الكرماني: (هذين) يعني ‌طرفي ‌الشفتين اللذين هما ‌بين ‌الشارب ‌واللحية وملتقاهما كما هو العادة عند قص الشارب في أن ينظف الزاويتان أيضا من الشعر

فیض الباری ،کتاب اللباس،باب قص الشارب(طبع:دار الکتب العلمیہ بیروت،99/6)میں ہے:

قوله: (‌ويأخذ ‌هذين) والمراد منهما الشدقان، دون الفنيكين، فإن قطع الأشعار التي على وسط الشفة السفلى، أي العنفقة، بدعة، ويقال لها: “ريش بجه”.

مسائل بہشتی زیور (450/2)میں ہے:

مسئلہ:ریش بچہ کے دونوں طرف لب زیریں بال منڈوانے  کو فقہا نے بدعت لکھا ہے اس لئے ایسا نہ کرنا چاہیے ۔

داڑھی کا شرعی حکم (مفتی رضوا ن صاحب )(209) میں ہے:

ریش بچہ کے ساتھ دائیں بائیں(یعنی نیچے والے ہونٹ  کی سرخی کے نیچے والے)حصہ پر اگنے والے بالوں کا کاٹنا بھی منع ہے ،کیونکہ یہ بھی نیچے والے جبڑے میں داخل ہوکر داڑھی  کا حصہ ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم