مستورات  کا مردوں کی غیر موجودگی میں دوپٹہ اتارنے کا حکم

استفتاء

عرض ہے کہ آج کل ہمارے گھر میں مستورات  اپنادوپٹہ اتار دیتی ہیں اور ہم مرد گھر پر نہیں ہوتے صرف عورتیں ہی ہوتی ہیں۔ جب ہم واپس آتے ہیں تو دوپٹے کو ڈھونڈتی ہیں اور جواب میں بتاتی ہیں کہ مرد تو کوئی تھا نہیں اس لئے ہم عورتیں کس لئے سر ڈھانپ کے رکھیں۔ یاد رہے کہ پہلے ایسے ہمارے ہاں نہیں ہوتا تھا۔کیا شرعا اسکی اجازت ہے؟ اصلی ترتیب سے آگاہ فرماویں۔ جزاک اللہ خیرا

الجواب :بسم اللہ حامداًومصلیاً

عورت اکیلے  ہونے کی صورت میں یعنی غیر محرم کی عدم موجودگی میں  اپنا دوپٹہ اتار سکتی ہےاور اس سے کوئی گناہ نہیں ہوتا لیکن بہتر یہی ہے کہ  دوپٹہ لیا جائے اگرچہ باریک ہی ہو۔

فتاوی العالمگیریۃ، کتاب الکراھیۃ، الباب التاسع فی اللبس (طبع: مکتبہ رشیدیہ، جلد نمبر 9صفحہ نمبر 132) میں ہے:

"يرخص للمرأة كشف الرأس في منزلها وحدها فأولى أن يجوز لها لبس خمار رقيق يصف ما تحته عند محارمها كذا في القنية”

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم