نانا کے ترکہ کی تقسیم

استفتاء

محترم مفتی صاحب!  میرے نانا محترم شیخ الہٰی بخش کی کل اولاد پانچ بچے (3 بیٹے اور 2 بیٹیاں)تھے ۔ جن کے نام درج ذیل ہیں:

1) شیخ مقبول                                    2) شیخ منیر احمد                                         3) شیخ منصور احمد                                      4)کنیز فاطمہ                                           5) شمیم اختر

نانا تقریبا ً 40 سال قبل وفات پا گئے اور بوقت وفات انکی اولاد میں سے چار بچے (3 بیٹے اور 1بیٹی) حیات تھے جبکہ ان کے والدین ، بیوی اور 1 بیٹی(کنیز فاطمہ)  ان کی زندگی میں ہی وفات پا گئی تھی اور اس وفات شدہ  بیٹی(کنیز فاطمہ ) کے ایک بیٹے (جمیل اختر )حیات ہیں جو کہ میرے سوتیلے بھائی بھی  ہیں کیونکہ خالہ کی وفات کے بعد گھر والوں نے خالو کی شادی دوسری بہن یعنی میری والدہ سے کرا دی تھی۔ میرے نانا کا جھنگ میں ایک عدد آٹھ(8) مرلہ کا مکان تھا جس میں میرے ایک  ماموں (یعنی مرحوم کے بیٹے شیخ منیر احمد) باقی تمام ورثاء کی رضامندی سے رہائش پذیر رہے۔

اس کے بعد   تقریباً 2005 میں بڑے ماموں (شیخ مقبول ) بھی انتقال کر گئے تھے۔ اور انکے ورثاء میں انکی 1 بیوی، 3بیٹیاں اور 4 بیٹے تھے۔اور پھر ان ماموں (شیخ مقبول)کی بیوی کا بھی انتقال ہو گیا اور انکی وفات کے وقت ان کی کل  اولاد یعنی سات (7)  بچے حیات  تھے ۔ مامی کے والدین اس وقت حیات نہ تھے۔

ابھی چند مہینے پہلے ان ماموں (شیخ مقبول)کی اولاد میں سے ایک بیٹا خالد فاروق بھی انتقال کرگئے ہیں۔جن کے ورثاء میں ایک (1) بیوی، تین (3) بیٹے اور ایک (1) بیٹی حیات ہیں۔

نانا کے گھر میں رہائش پذیر ماموں (شیخ منیر احمد) کااس بدھ کو انتقال ہو گیا ہے۔ میرےان  ماموں (شیخ منیر احمد )کی دو شادیاں تھیں اور پہلی بیوی کو انہوں نے حالت حمل میں طلاق دے دی تھی جن سے بعد میں ایک بیٹی(سائرہ)  پیدا ہوئی جبکہ دوسری بیوی سے کوئی اولاد نہ تھی اور دوسری بیوی بھی ماموں کی زندگی میں ہی انتقال کر گئی تھی۔خلاصہ یہ کہ ماموں کی وفات کے وقت ان کی 1بیٹی (سائرہ)،1 بہن (میری والدہ شمیم اختر) اور ایک بھائی  (شیخ منصور احمد) حیات   ہیں۔

ماموں(شیخ منیر احمد) نے اپنی زندگی میں اس مکان کی وراثت کا سرکاری کاغذات میں انتقال کروایا اور اس میں میرے سوتیلے بھائی جمیل اختر کا نام بھی شامل کروا دیا جبکہ ان کی والدہ(کنیز فاطمہ ) نانا کی زندگی میں ہی وفات پا گئی تھیں اور اس اندراج کا علم باقی ورثاء کو نہیں تھا  ۔ ماموں کی وفات کے بعد اس کا علم ہوا۔ اب ورثاء چاہتے ہیں کہ شریعت کے مطابق جس کا جو حصہ بنتا ہے اس طرح میراث تقسیم کر دی جائے۔اب اس سب تفصیل کی روشنی میں سوالات درج ذیل ہیں:

1) میرے نانا کے مکان کے وارث کون کون بنتے ہیں اور کس کا کتنا حصہ بنتا ہے؟

2) ماموں نے نانا کی وراثت کے انتقال میں بھائی جمیل اختر کا نام بھی لکھوایا ہے کیا ان کا حصہ بنتا ہے؟

3) میرے ماموں  شیخ منیر احمدنے جو اپنا ترکہ (مکان میں حصہ، نقدی وغیرہ) چھوڑا ہے اس کا وارث کون کون ہے اور اسکی تقسیم کیسے ہو گی ؟

الجواب :بسم اللہ حامداًومصلیاً

1) آپ کے نانا  کے کل ترکہ کے924 حصے کیے جائیں گے جس  میں سے  شیخ منصور کو 352 حصے یعنی 38.09 %اور شمیم اختر کو 176 حصے یعنی 19.04 %ملے گا۔شیخ مقبول کے بیٹو ں کو فی بیٹا 48 حصے یعنی 5.19 % اور بیٹی کو 24 حصے 2.59 %ملے گا۔خالد فاروق کی بیوی کو 6 حصے یعنی 0.64 %، ہر بیٹے کو (12) حصےیعنی  1.29 %اور بیٹی کو 6 حصے یعنی 0.64 %ملے گا۔شیخ منیر کی بیٹی سائرہ کو 132 حصے  یعنی 14.28 %  ملے گا۔

2) اگر تمام ورثاء راضی ہوں تو نانا کی وراثت میں سے  فوت شدہ بہن (کنیز فاطمہ) کے بیٹے (جمیل اختر ) کو حصہ دینے میں کوئی حرج نہیں ہے البتہ اگر کوئی وارث حصہ نہ دینا چاہے تو اس کے حصے میں سے جمیل اختر کو نہ دیا جائے گا۔

3) آپ کے ماموں (شیخ منیر احمد) کے ترکہ کے کل 6حصے کیے جائے گیں جس میں سے نصف یعنی 3حصے بیٹی کو ملیں گےاور بھائی کو 2حصے اور بہن کو 1 حصہ ملے گا۔

سوال نمبر 1 کی تقسیم کی صورت درج ذیل ہے:

7×44=308×3=924                                                                                                                                     شیخ الہی بخش

8×11= 88⁴⁴x3=264                                                                                                                                   شیخ مقبول                                                                                                                                                            2×44=88×3=264

11×3=33                                                                                                                                                                                                                                       اہلیہ شیخ مقبول                                                                                                                                                                                                     11×3=33

8×2=16×3=48                                                                                                                                                                                        خالد فاروق                                                                                                                                                                                             ²16x3=48

2×3=6³x44=264                                                                                                                                                   شیخ منیر احمد                                                                                               88⁴⁴x3=264

الاحیاء=

شیخ الہی بخش کاایک بیٹا اور ایک بیٹی                              شیخ مقبول کے تین بیٹے اور تین بیٹیاں                                           خالد فاروق کی بیوی، تین بیٹے ایک بیٹی                                                                     شیخ منیر کی بیٹی

352                                                                                        176                                                                                                                                                                   48فی بیٹا                                                                                                      24 فی بیٹی                                                                                                                               6                             12 فی بیٹا                                                                                                                        6                                             132

سوال نمبر 3 کی صورت تقسیم درج ذیل ہے:

2×3=6

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم