سوره بقره كی تکمیل پر صدقہ کرنا

استفتاء

سورہ بقرہ کی تکمیل پر صدقہ کرنا کیسا ہے؟سنا ہے جب سورہ بقرہ کہیں پڑھی جائے تو پھر پڑھنے والوں کو صدقہ کرنا چاہیئے ۔باحوالہ جواب دیں کہ رسول اللہ ﷺ نے صحابہ رضی اللہ عنھم اجمعین کو ایسا حکم فرمایا تھا ؟اس بارے میں رہنمائی فرمائیں۔

الجواب :بسم اللہ حامداًومصلیاً

تلاش کے باوجود  کوئی ایسی بات نہیں ملی جس میں رسول اللہ ﷺ نے صحابہ رضی اللہ عنھم اجمعین کو سورہ بقرہ کی تکمیل پر صدقہ کرنے  حکم فرمایاہو ۔البتہ جب حضرت عمر رضی اللہ عنہ نے  سورہ بقرہ مکمل یاد کی تو انہوں نے اختتام پر ایک اونٹ ذبح کیا ۔

شعب الإيمان (3/ 346) میں ہے:حدثنا بشر بن موسى أبو بلال الأشعري، حدثنا مالك بن أنس، عن نافع، عن ابن عمر قال: ” تعلم عمر بن الخطاب رضي الله عنه البقرة في اثنتي عشرة سنة، فلما ختمها نحر جزورا "الدر المنثور(52/1)میں ہے:وأخرج الخطيب في رواة مالك والبيهقي في شعب الإيمان عن ابن عمر قال : تعلم عمر البقرة في اثنتي عشرة سنة فلما ختمها نحر جزورا.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم