مرغےکارات کوبولنا

استفتاء

مرغ اگررات کواذان دےتواس میں کوئی مسئلہ تونہیں؟

وضاحت مطلوب ہے:مسئلہ سے کیا مراد ہے؟

جوابِ وضاحت:مرغ کا کام توصبح کےوقت بانگ دینا ہےاوریہ رات کودیتاہے۔

الجواب :بسم اللہ حامداًومصلیاً

شرعاً کوئی مسئلہ نہیں ہے کیونکہ حدیث پاک میں ہے کہ مرغا فرشتے کو دیکھ کربولتا ہے۔

صحيح مسلم (رقم الحدیث2729)میں ہے:عن أبي هريرة أن النبي صلى الله عليه وسلم قال * إذا سمعتم صياح الديكة فاسألوا الله من فضله فإنها رأت ملكا وإذا سمعتم نهيق الحمار فتعوذوا بالله من الشيطان فإنها رأت شيطانا.هٰكذافی البخاری(رقم الحدیث3303).

ترجمہ:حضرت ابوہریرہ رضی اللہ عنہ سےمروی ہے کہ نبی اکرمﷺنے فرمایا: جب تم مرغے کی اذان سنو تو اللہ تعالیٰ سے اس کا فضل طلب کرو کیونکہ مرغے نے فرشتے کو دیکھا ہے اور جب تم گدھے کی آواز سنو تو اللہ سے پناہ مانگو شیطان سے کیونکہ گدھے نے شیطان کو دیکھا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم