جس برتن میں قرآن لکھا ہو اس میں کھانے کا حکم

استفتاء

اس طرح کے برتن میں کھانا کھانا کیسا ہے ؟بے وضو ہونے کی حالت  اس میں روٹی توڑنا شوربا ڈالنا ہاتھ لگانا کیسا ہے؟اس میں سورہ رحمان لکھی ہوئی ہے بعض کہتے ہیں کہ بیمار کے لئے اس میں کھانا دینا شفاء ہوتا ہے،بطور علاج کسی کو اس طرح کے برتن میں کھانا دے سکتے ہیں یا نہیں؟

الجواب :بسم اللہ حامداًومصلیاً

مذكوره صورت  میں مریض کے لئے بطور شفاء  اس برتن میں کھانا دینا درست ہے۔لیکن برتن کو وضو کی حالت میں چھو ا جائے اور اسی طرح دھونے کے بعد اس کے پانی کو صاف جگہ پر ڈالا جائے ۔

المجموع شرح المهذب (2/ 171)میں ہے:

ولو كتب القرآن في اناء ثم غسله وسقاه المريض فقال الحسن البصري ومجاهد وأبو قلابة والاوزاعي لا بأس به …ومقتضى مذهبنا انه لا بأس به فقد قدمنا في مسائل مس المصحف أنه لو كتب القرآن على حلوى أو غيرها من الطعام فلا بأس بأكله.

زاد المعاد ( 170)میں ہے:

ورأى جماعة من السلف أن تكتب له الآيات من القرآن، ثم يشربها. قال مجاهد: لا بأس أن يكتب القرآن، ويغسله، ويسقيه المريض، ومثله عن أبى قلابة.

آپ کے مسائل اور ان کا حل(8/683)میں ہے:

سوال:بازار میں اسٹیل کے کٹورے ملتے ہیں جن میں سے بعض پر قرآنی آیات لکھی ہوتی ہیں،کیا اس کٹورے میں پانی پینا شفا کی نیت سے درست ہے؟

جواب: اگر کٹورے میں قرآنی آیات لکھی ہوں تو  میں پانی پیناجائز ہے بشرطیکہ ان کو باوضو پکڑا جائے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم