مناسخہ کی ایک صورت

استفتاء

کیا فرماتے ہیں علماءکرام اس مسئلہ کے بارے میں کہ ایک آدمی (مقرّب شاہ)فوت ہوگیا ہے اور ان کے ورثاء میں تین بیٹے(سردار شاہ،قاسم شاہ،شفقت حسین)اوردو بیٹیاں(رابعہ بی بی،زینب بی بی)ہیں اوران کے بیٹوں میں سے ان کے بعدقاسم شاہ فوت ہوا ہے ،ان کے ورثاء میں مذکورہ بھائی اور بہنیں ہیں اور ایک ان کی بیوی(جنت بی بی)ہے۔

اب ان میں وراثت کس طرح تقسیم ہوگی؟

الجواب :بسم اللہ حامداًومصلیاً

مذکورہ صورت میں (میت)مقرّب شاہ کے کل ترکہ کے 32 حصے کیے جائیں گے جن میں سے بیٹے(سردارشاہ) کو 10 حصے اور بیٹے (شفقت حسین)کو بھی 10 حصے اور بیٹی (رابعہ بی بی) کو 5 حصے اور بیٹی(زینب بی بی) کو بھی 5 حصے ملیں گےاور میت کے بیٹے(قاسم شاہ) کی بیوی کو 2 حصے ملیں گے۔

تقسیم کی صورت درج ذیل ہے:

8×4=32مقرّب شاہ مرحوم                                                                      

4×2=8قاسم شاہ                                                                    مافی الید 2×4=8

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم