ایک تولہ سونے پر زکوٰۃ سونے کے حساب دی جائے یا چاندی کے اعتبار سے؟

استفتاء

کسی کےپاس ایک تولہ سونا ہو تو وہ سونے کے اعتبار سے زکوٰۃ ادا کرے گا یا چاندی کے اعتبار سے؟

الجواب :بسم اللہ حامداًومصلیاً

اگر ایک تولہ سونے کے ساتھ چاندی یا نقد ی (چاہے ایک روپیہ ہی  ہو) یا مال تجارت ہو تو ایک تولہ سونے کی زکوۃ چاندی کے نصاب کے اعتبار سے ادا کریں گے۔ اور اگر ایک تولہ سونے کے ساتھ مذکورہ اشیاء میں سے کوئی بھی چیز موجود نہ ہو تو صرف ایک تولہ سونے پر زکوٰۃ نہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فقط و اللہ تعالیٰ اعلم