میسج کے ذریعے طلاق

استفتاء

میں نے بیوی کی طرف طلاق والامیسج بھیجا لیکن یہ میسج لکھنے سے پہلے بھی وہ مجھ سے بار بار طلاق طلب کر رہی تھی اور میں اسے یہ مطالبہ کرنے سے روکتا بھی رہا لیکن اس نے بحث و تکرار میں کچھ سخت الفاظ کا استعمال کیا جس پر مجھے غصہ آیا اور اسوقت بھی میری اور میرے رب کے درمیان طلاق کی نیت ہرگز نہ تھی لیکن غصے میں یہ میسج لکھتے ہوئے اپنا ہاتھ روک نہ پایا۔ میسج یہ ہے:

’’تمہیں میری طرف سے طلاق ہے،طلاق ہے ،طلاق ہے‘‘

الجواب :بسم اللہ حامداًومصلیاً

ہماری تحقیق میں میسج کی تحریر کتابت مستبینہ غیر مرسومہ ہےاور کتابت مستبینہ غیر مرسومہ سے نیت کے بغیر طلاق واقع نہیں ہوتی لہذامذکورہ صورت میں اگرواقعی شوہر کی طلاق دینے کی نیت نہیں تھی تومذکورہ میسج سےکوئی طلاق واقع نہیں ہوئی۔

شامی(4/442)میں ہے:

وان كانت مستبينة لكنها غير مرسومة ان نوي الطلاق يقع،والا لا.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط  واللہ تعالی اعلم