شہوت  کے گناہوں سے کیسے بچا جائے؟

استفتاء

نفس پہ کیسے قابو پایا جائے؟

وضاحت  مطلوب: اپنی بات واضح کریں، نفس سے کیا مراد ہے؟

جواب وضاحت: نفس سے مراد زنا، مشت زنی وغیرہ۔

الجواب :بسم اللہ حامداًومصلیاً

اللہ تعالیٰ کا ارشاد ہے:  لا تقربوا الزنا، زنا کے قریب مت جاؤ،زنا اور شہوت کے گناہ سے بچنے کا ذریعہ یہ ہے کہ زنا کے اسباب سے بھی دور رہا جائے، زنا کے چند اسباب یہ ہیں:

1. بدنظری کرنا، غیر محرم(عورت یا امرد (بے ریش بچوں) کو شہوت سے دیکھنا
2. فحش لٹریچر پڑھنا
3. گانے سننا
4. فحش مناظر (بصورت ڈرامہ اور مووی وغیرہ) دیکھنا

ان اسباب سے بچنے کے لیے اپنی ہمت کو مضبوط کرنا ضروری  ہے۔ جس کے لیے اپنے آپ کو کسی نیک ماحول (مثلاً تبلیغی جماعت یا کسی اللہ والے نیک آدمی کی مجلس و صحبت ) میں جوڑنا ضروری  ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم