- فتوی نمبر: 25-112
- تاریخ: 10 مئی 2024
- عنوانات: خاندانی معاملات > نکاح کا بیان > جن لوگوں سے نکاح کرنا ناجائز ہے
استفتاء
زید نے بچپن میں زینب کا دودھ پیا ہے تو کیا زید کا نکاح کلثوم(زینب کی سوتیلی بیٹی)کی بیٹی سے ہوسکتا ہے جبکہ جس وقت زید نے زینب کا دودھ پیا تھا اس وقت اس کے شوہر(یعنی زینب کی سوتیلی بیٹی کے والد)سے زینب کی اولاد بھی تھی۔ راہنمائی فرمائیں۔
الجواب :بسم اللہ حامداًومصلیاً
مذکورہ صورت میں زید کا نکاح کلثوم(جوکہ زینب کی سوتیلی بیٹی کی بیٹی ہے )سے نہیں ہوسکتا۔
توجیہ:زینب کی سوتیلی بیٹی زید کے رضاعی باپ کی بیٹی ہونے کی وجہ سے زید کی رضاعی بہن ہے،اور رضاعی بہن کی بیٹی زید کی رضاعی بھانجی ہے اور رضاعی بھانجی سے حقیقی بھانجی کی طرح نکاح کرنا جائز نہیں۔
فتاوی ہندیہ(181/2)میں ہے:و هذه الحرمة كما تثبت في جانب الأم تثبت في جانب الأب و هو الفحل الذي نزل اللبن بوطئه كذا في الظهيرية يحرم على الرضيع أبواه من الرضاع وأصولهما وفروعهما من النسب والرضاع جميعا حتى أن المرضعة لو ولدت من هذا الرجل أو غيره قبل هذا الإرضاع أو بعده أو أرضعت رضيعاً أو ولد لهذا الرجل من غير هذه المرأة قبل هذا الإرضاع أو بعده أو أرضعت امرأة من لبنه رضيعا فالكل إخوة الرضيع وأخواته و أولادهم أولاد إخوته و أخواته۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم
© Copyright 2024, All Rights Reserved