حیض کے کپڑوں کا حکم

استفتاء

1۔عورت ناپاکی کے دنوں میں جو پیڈ یا کپڑے استعمال کرتی ہے استعمال کے بعد اس کو بغیر دھوئے پھینکنے میں کوئی حرج تو نہیں؟

2۔اگر استعمال شدہ کپڑا یا پیڈ بغیر دھوئے پھینکا جائے تو قیامت کے دن اس کے بھائی کے منہ میں نچوڑا جائے گا اور گناہ بھی ہوگا ۔کیا یہ بات درست ہے؟

الجواب :بسم اللہ حامداًومصلیاً

1۔بہترتو یہ ہے کہ حیض کے کپڑے کو کسی جگہ زمین میں گاڑ دے،  یا جلا دےاگر ایسا کرنا مشکل ہو تو کسی کپڑے یا شاپر وغیرہ میں لپیٹ کربغیر دھوئے پھینک سکتے ہیں۔

2۔ کافی تلاش کے باوجود ہمیں ایسی کوئی بات نہیں ملی۔

فتاوی ہندیہ( 5/ 96)میں ہے:

یدفن اربع الظفروالشعروخرقة الحیض والدم

اوجزالمسالک(14/267)میں ہے:

عن ابن جريج عن النبي صلي الله عليه وسلم قال:كان يعجبه دفن الدم

خیر الفتاوی( 2/139) میں ہے:

سوال:حیض کے استعمال شدہ کپڑے کو جلا دینا کیسا ہے اس میں انسانی خون لگا ہوا ہے اور اگر نہ جلایا جائے بلکہ پھینک دیا جائے تو غیر مردوں کی اس پر نگاہ پڑتی ہے شرعی حکم سے مطلع  فرمائیں؟

جواب :اگر دھونے کے بعد دوبارہ استعمال نہ ہو سکیں تو جلا دیا جائے۔                                                                                                                                                       

  كل عضولايجوز النظر اليه قبل الانفصال لا يجوز بعده كشعرعانته و شعر راسها وعظم ذراع حرة ميتة وساقها وقلامة ظفر رجلها دون يدها وان النظر الى ملاءة الأجنبية بشهوة حرام

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم