بیوی اور شوہر کے موت وحیات کے بعد تقسیم میراث

استفتاء

السلام علیکم ورحمۃ اللہ وبرکاتہ

۱۔ایک شادی شدہ بےاولاد عورت (شوہر حیات )کی وفات کی صورت میں اس کی جائیداد کی تقسیم کس طرح ہوگی؟ جبکہ اس کے ورثا میں والدین  اور دو بھائی ،ایک بہن اور شوہر ہیں۔

۲۔ایک شادی شدہ بے اولاد مرد جس کی بیوی زندہ ہے، کی وفات کی صورت میں اس کی جائیداد کی تقسیم کس طرح ہوگی؟ جب کہ اس کے ورثاء میں بیوی ،تین بہنیں اور والد ہیں۔

الجواب :بسم اللہ حامداًومصلیاً

۱۔مذکورہ صورت میں اس عورت کی وفات کی صورت میں اگر ورثاء وہی ہوئے جو سوال میں مذکور ہیں تو اس عورت کی کل جائیداد کا1/6(چھٹا حصہ) اس کی ماں کو ملے گا اور1/2 (آدھا حصہ) اس کے شوہرکو اورباقی اس کے  باپ کوملے گا ،بہن بھائیوں کو کچھ نہ ملے گا ۔

تقسیم کی صورت درج ذیل ہے:

6

ماں———             شوہر————-     باپ————–                   دوبھائی————                ایک بہن

6/1————–2/1    ————-عصبہ                 ———–محروم                ———-محروم

1              3         2

۲۔مذکورہ مرد کی وفات کی صورت میں اگر ورثاء وہی ہوئے جو سوال میں مذکور ہیں تو اس کی کل جائیداد کا4/1(چوتھاحصہ) بیوی کو ملے گااور باقی کل جائیداد یعنی 4/3(تین چوتھائی)اس کے باپ کو ملے گی، جبکہ بہنوں کو کچھ نہ ملے گا۔تقسیم کی صورت د رج ذیل ہے:

4

بیوی           ——–باپ                   ————–بہن                   ————بہن                   —————–بہن

4/1———–        عصبہ                  ———-محروم                 ———-محروم  ————               محروم

4/1                    4/3

1———————-              3۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔